რეგიონული მწვანე ბანაკი ახალგაზრდა ლიდერებისთვის — განაცხადები 22 ნოემბრამდე მიიღება

პროგრამა EU4Youth საქართველოსა და სომხეთში მცხოვრები ახალგაზრდა ლიდერებისთვის რეგიონულ მწვანე ბანაკს აწყობს. 

ბანაკი 1-იდან 10 დეკემბრამდე საქართველოში, ბულაჩაურის მწვანე ცენტრში მოეწყობა.

რეგიონული მწვანე ბანაკი მიზნად საქართველოსა და სომხეთში მცხოვრებ ახალგაზრდებს შორის ურთიერთობის გაღრმავებას ისახავს. ის ხელს უწყობს მომავალ პარტნიორულ ურთიერთობებს და ახალგაზრდების ცნობიერების ამაღლებას კლიმატის ცვლილების, გარემოს დაცვის თუ ცირკულარული გადაწყვეტების საკითხებზე. ინიციატივა, ამასთან, ორივე ქვეყანაში ეკოლოგიურად დაბალანსებული განვითარების წამახალისებელ სოციალურ მეწარმეობასაც უჭერს მხარს. 

განაცხადების შეტანა შეუძლიათ ინგლისურის მცოდნე, 14-29 წლის ახალგაზრდებს ორივე ქვეყნიდან (საქართველოს შემთხვევაში ამის შესაძლებლობა მხოლოდ გორის, ახმეტის და ნინოწმინდის მუნიციპალიტეტებში მცხოვრებ ახალგაზრდებს აქვთ). 

განაცხადების შეტანის ბოლო ვადაა 22 ნოემბერი.

ახალგაზრდებისთვის განკუთვნილ რეგიონულ მწვანე ბანაკს ორგანიზებას უწევს ევროკავშირის მიერ დაფინანსებული პროექტი, „EU4Youth: სოციალური მეწარმეობის ეკოსისტემის განვითარება“ (SEED). პროექტს კავკასიის გარემოსდაცვითი არასამთავრობო ორგანიზაციების ქსელი (CENN) არასამთავრობო ორგანიზაციასთან, „Green Lane“ (სომხეთი) და კახეთის რეგიონული განვითარების ფონდთან პარტნიორობით ახორციელებს.

დამატებითი ინფორმაცია

სარეგისტრაციო ფორმა