პოლონეთის ქალაქებში, პილასა და პოზნანში მდებარე უცხოელთა ინტეგრაციის ცენტრები უკრაინული და/ან რუსული ენების მცოდნე ახალგაზრდებს მოხალისეებად იწვევენ. ცენტრებს სოციალური პოლიტიკის რეგიონული ცენტრი (ROPS) მართავს.
მოხალისეებს საქართველოდან და, ასევე, სომხეთიდან და უკრაინიდან, ქალაქ პილაში იწვევენ. ხოლო პოზნანში მოხალისედ მუშაობა სომხეთისა და უკრაინის მოქალაქეებს შეუძლიათ. შესაძლებლობა ევროპის სოლიდარობის კორპუსის ფარგლებში ფინანსდება.
მოხალისეები 2023 წლის სექტემბრიდან 2024 წლის ნოემბრის ბოლომდე პერიოდში, 52 კვირის განმავლობაში იმუშავებენ.
ცენტრები ეხმარებიან მიგრანტებს ვიელკოპოლსკას ოლქში, აწვდიან მათ საჭირო ინფორმაციას პოლონეთის ყოველდღიურობასთან, პოლონურ ენასთან თუ ადაპტაციის კურსებთან დაკავშირებით, უზრუნველყოფენ მათ იურიდიული და ფსიქოლოგიური მხარდაჭერით, აწყობენ საბავშვო აქტივობებს და სხვა.
მოხალისეები ცენტრებს ყოველდღიურ საქმიანობაში დაეხმარებიან. მათი სამუშაო მოიცავს შემდეგს: ძირითადად, ბავშვებისა და ახალგაზრდებისთვის სხვადასხვა აქტივობის წარმართვა; ღონისძიებებისა და შეხვედრების მოწყობაში მონაწილეობის მიღება; ორგანიზებული აქტივობების პოპულარიზაცია; ციფრული დოკუმენტაციის მოწესრიგება; საკუთარი მინიპროექტების მოფიქრება.
მოხალისეებს უზრუნველყოფენ ცალკე საცხოვრებელი ოთახით, ასევე ყოველთვიური თანხითა და ჯიბის ფულით.
განაცხადების შეტანის ბოლო ვადაა 2023 წლის 31 აგვისტო.
დამატებითი ინფორმაცია
სხვა საინფორმაციო კამპანიები:
გაინტერესებთ უკანასკნელი ცნობები და შესაძლებლობები?
ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,