Impact Hub Tbilisi სტარტაპერებისთვის ევროკავშირის მხარდაჭერილ პრე-აქსელერატორის პროგრამას იწყებს 

Impact Hub Tbilisi იწყებს სტარტაპის პრე-აქსელერატორის პროგრამას, რომელსაც ევროკავშირი უჭერს მხარს.

სტარტაპის პრე-აქსელერატორი მხარს უჭერს ადრეულ ეტაპზე მყოფ ტექნოლოგიურ სტარტაპებს იდეიდან კომპანიის დაარსებამდე გასავლელი ყველაზე მნიშვნელოვანი ნაბიჯების გადადგმისას. 

სამთვიანი ინტენსიური კურსის განმავლობაში შერჩეული გუნდები გაიღრმავებენ ცოდნას ისეთი მიმართულებებით, როგორებიცაა: ფასეული შეთავაზებები, საოპერაციო და ბიზნესმოდელები, საკომუნიკაციო გეგმები,  ბაზარზე შესვლის სტრატეგიები, პროფესიონალური Pitch Deck-ები, საინვესტიციო წინადადებები და სხვა. 

სამუშაო შეხვედრები/ტრენინგები ჩატარდება კვირაში სამჯერ, საღამოობით, რამდენიმე პროფესიონალი ინსტრუქტორის და გამოცდილი მეწარმის ხელმძღვანელობით. 

პროგრამა შექმნილია დასაქმებულების, სტუდენტებისა და ნებისმიერი სხვა ადამიანისთვის, ვისაც ბიზნესის დაწყება სურს. 

განაცხადის შესატანად თქვენ უნდა იყოთ სულ მცირე 2 დამფუძნებლისგან შემდგარი გუნდის წევრი და უნდა გქონდეთ ადაპტირებადი ბიზნესმოდელი (ტექნოლოგიაზე დაფუძნებული სტარტაპი).

განაცხადების შეტანის ბოლო ვადაა 24 სექტემბერი.

დამატებითი ინფორმაცია

პრესრელიზი