IJ4EU Impact Award: საზღვრებშორისი საგამოძიებო ჟურნალისტიკის 2024 წლის კონკურსში განაცხადების მიღება დაიწყო 

პროგრამამ, საგამოძიებო ჟურნალისტიკა ევროპისათვის (IJ4EU), Impact Award-ის საზღვრებშორისი საგამოძიებო ჟურნალისტიკის ყოველწლიური კონკურსისათვის განაცხადების მიღება დაიწყო. 

დამოუკიდებელი ჟიურის მიერ შერჩეული თანამშრომლობითი, სახელმწიფოთაშორისი სამი გამოძიება 5,000 ევროს ოდენობის პრიზებს მიიღებს. გამარჯვებულები ამ წლის შემოდგომას, IJ4EU-ის UNCOVERED კონფერენციაზე გამოცხადდებიან. 

პრესისა და მედიის თავისუფლების ევროპული ცენტრის (ECPMF) მიერ მართულ კონკურსში მონაწილეობა შეუძლია შემდეგი ქვეყნებიდან წარდგენილ საგამოძიებო პროექტებს: ევროკავშირის 27 სახელმწიფო, თავისუფალი ვაჭრობის ევროპული ასოციაციის (EFTA) წევრი ქვეყნები, ალბანეთი, ბოსნია და ჰერცეგოვინა, მონტენეგრო, საქართველო, სერბია, უკრაინა და ჩრდილოეთი მაკედონია.

საკონკურსო გამოძიებები უნდა ეკუთვნოდეს სულ მცირე ორი ევროპული ქვეყნის რეზიდენტ ჟურნალისტებს და გამოქვეყნებული უნდა იყოს 2022 წლის 1 ოქტომბრიდან 2023 წლის 31 დეკემბრამდე პერიოდში. 

პრიზები გაიცემა ისეთი კრიტერიუმების გათვალისწინებით, როგორიცაა საგამოძიებო პროექტების გავლენა, ჟურნალისტური ხარისხი, აქტუალობა და მსგავსი საზღვრებშორისი ჟურნალისტური ნამუშევრების შექმნისთვის ბიძგის მიცემის პოტენციალი.

ჟურნალისტებს, მედიაორგანიზაციებსა და გუნდებს საკონკურსო განაცხადების შეტანა შეუძლიათ Good Grants პლატფორმის გამოყენებით. ყველა წარდგენილი პროექტი უნდა იყოს ინგლისურად ან მათ უნდა ერთოდეს ინგლისური თარგმანი.

განაცხადების შეტანის ბოლო ვადაა 2024 წლის 2 მაისი.

საგამოძიებო ჟურნალისტიკა ევროპისათვის (IJ4EU) ევროპაში საზღვრებშორისი საგამოძიებო ჟურნალისტიკის განვითარებას უწყობს ხელს. ის თანადაფინანსებულია ევროკავშირის მიერ ღია საზოგადოების ფონდების, FRITT ORD-ის, Iscorates Foundation-ისა და ქალაქ ლაიფციგის მხარდაჭერით. 

დამატებითი ინფორმაცია და განაცხადის ფორმა

IJ4EU Impact Award