ევროპის თარგმნის მაგისტრატურის ქსელი ახალი წევრებისთვის კონკურსს აცხადებს

ევროკომისია უნივერსიტეტებისთვის ევროპის თარგმნის მაგისტრატურის (EMT) ქსელში გასაწევრიანებლად კონკურსს მეხუთედ აცხადებს.

კონკურსი ღიაა უნივერსიტეტებისთვის საქართველოდან, აზერბაიჯანიდან, მოლდოვიდან, სომხეთიდან და უკრაინიდან. 

უნივერსიტეტებს კონკურსში მონაწილეობა შეუძლიათ იმ შემთხვევაში, თუ მათი პროგრამები EMT-ის ხარისხის სტანდარტებს აკმაყოფილებს. ამ სტანდარტთაგან ერთ-ერთის თანახმად, განაცხადის შეტანის დროისთვის უნივერსიტეტის  შესაბამის პროგრამას თარგმნაში ოფიციალურად აღიარებული მაგისტრის ხარისხი მინიჭებული უნდა ჰქონდეს კურსდამთავრებულთა სულ მცირე ორი ნაკადისთვის. 

უნივერსიტეტები EMT-ის ქსელს შეუერთდებიან კონკურსის საბოლოო შედეგთა გამოქვეყნების დღეს და მათი წევრობა ხუთ წელს (2024-2029 წლები) გასტანს.

განაცხადების შეტანის ბოლო ვადაა 15 დეკემბერი. 

დამატებითი ინფორმაცია 

პრესრელიზი

საკონკურსო გვერდი