«Թարգմանչական գործի եվրոպական մագիստրատուրա» ցանցը հայտարարում է նոր անդամների ընդունելության մրցույթ

Եվրոպական հանձնաժողովը հրավիրում է բուհերին մասնակցելու «Թարգմանչական գործի եվրոպական մագիստրատուրա» (EMT) ցանցին միանալու համար իր 5-րդ հայտամրցույթին։

Մրցույթին կարող են մասնակցել Հայաստանի, Ադրբեջանի, Վրաստանի, Մոլդովայի եւ Ուկրաինայի համալսարանները:

Համալսարաններն իրավասու են դիմել, եթե իրենց ուսումնական ծրագրերը համապատասխանում են EMT-ի որակի չափանիշներին: Դրանցից մեկն այն է, որ համալսարանի պաշտոնապես ճանաչված «Թարգմանչական գործ» մագիստրոսական ծրագիրը դիմելու պահին ունի շրջանավարտների առնվազն երկու խումբ։

EMT ցանցին անդամակցությունն ուժի մեջ կմտնի ընտրության որոշման հրապարակման օրվանից եւ կգործի հինգ տարի (2024-2029 թթ.):

Դիմումների ընդունման վերջնաժամկետն է 2023 թվականի դեկտեմբերի 15-ը։

Իմացիր ավելին

Մամուլի հաղորդագրություն

Մրցույթի էջ