ევროპის მემკვიდრეობის დღეების ისტორიების კონკურსი ადგილობრივ თემებს საკუთარი კულტურული მემკვიდრეობის ერთმანეთისთვის გაზიარების შესაძლებლობას აძლევს.
საგრანტო კონკურსი ევროპის მემკვიდრეობის დღეების ფარგლებში ევროპის საბჭოსა და ევროკავშირის ერთობლივი ძალისხმევით ტარდება. ღონისძიების მიზანია ევროპის კულტურული მემკვიდრეობის შენარჩუნება, მოსახლეობაში ევროპული საერთო სივრცისადმი მიკუთვნებულობის გრძნობის გაძლიერება და იმის ჩვენება, თუ როგორ აღიქმება ადგილობრივ მემკვიდრეობათა მნიშვნელობა მთელი ევროპის მასშტაბით.
კონკურსში მონაწილეობა შეუძლიათ ევროპის მემკვიდრეობის დღეების მონაწილე ქვეყნებს, რომელთა შორის საქართველოც არის, ევროპული მემკვიდრეობის სტატუსის მქონე ძეგლებს და ევროკავშირის კულტურული მემკვიდრეობის კონკურსის/ევროპა ნოსტრას გამარჯვებულებს (რომლებმაც ევროპის მემკვიდრეობის დღეებს გასული ოთხი წლის განმავლობაში, 2020-2023 წლებში უმასპინძლეს). ამას გარდა, აპლიკანტებისგან 2024 წელს ევროპის მემკვიდრეობის დღეების მოწყობასაც მოელიან.
ისტორიის გაგზავნასთან ერთად, თითო თემიდან მაქსიმუმ ერთი საპროექტო განაცხადის წარდგენაა შესაძლებელი. თითოეული გაცემული გრანტის ღირებულება 10,000-მდე ევროს შეადგენს.
ისტორიის წარდგენა შესაძლებელია 15 მარტამდე, ინგლისურ ან ფრანგულ ენებზე, ონლაინფორმის შევსების გზით.
დამატებითი ინფორმაცია
სხვა საინფორმაციო კამპანიები:
გაინტერესებთ უკანასკნელი ცნობები და შესაძლებლობები?
ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,