Avropa İrs Günləri ilə bağlı məqalələrin qəbuluna başlandı!

15 mart tarixinədək Avropa İrs Günləri ilə bağlı məqalələrin qəbulunda iştirak etməklə yerli icmalar irs sahəsində mövcud olan nümunələrini Avropanın digər icmaları ilə bölüşmək imkanı əldə edəcəklər. 

Bu, Avropalıların ən çox qatıldığı mədəniyyət tədbiri olan Avropa İrs Günləri çərçivəsində təşkil olunan qrant mükafatı müsabiqəsidir. Avropa İrs Günləri Avropa Şurası və Avropa İttifaqının birgə fəaliyyətidir. Məqsəd insanları Avropanın mədəni irsini paylaşmağa, Avropada vahid məkana aid olma hissini gücləndirməyə və yerli irsin Avropa ərazisində necə başa düşüldüyünə dair fikirlərini bölüşməyə təşviq etməkdir.

Azərbaycan, Ermənistan, Gürcüstan, Moldova və Ukrayna daxil olmaqla Avropa İrs etiketinə sahib ölkələrdən Avropa İrs Günləri icmaları və Aİ-nin “Mədəni İrs” mükafatı/Europa Nostra mükafatı qalibləri (2020-2023-cü illər arasında Avropa İrs Günlərinə ev sahibliyi edən) müraciət edə bilər. Müraciət edənlərin 2024-cü ildə Avropa İrs Günləri təşkil etməsi də gözlənilir.

10 000 avroya qədər qrant üçün müraciət etmək hüququna malik olmaq üçün iştirakçılar məqalə ilə birlikdə hər icma üzrə maksimum bir layihə təklifi təqdim etməlidirlər.

Məqalələri 15 mart 2024-cü il tarixinədək onlayn ərizə forması vasitəsilə ingilis və ya fransız dillərində təqdim etmək tələb olunur.

Daha çox öyrən

Mətbuat üçün açıqlama