ევროკავშირის პრიზი ჟურნალისტიკაში: შეიტანეთ განაცხადი 1 ნოემბრამდე

საქართველოში ევროკავშირის წარმომადგენლობა ადგილობრივ მედიამუშაკებს ჟურნალისტიკაში ევროკავშირის 2023 წლის პრიზის მისაღებად კონკურსში იწვევს. 

ევროკავშირის წარმომადგენლობის მიერ 2012 წელს დაარსებული კონკურსი ქართულ მედიაში პროფესიონალიზმისა და ეთიკის ქარტიის ნორმების დამკვიდრებას უწყობს ხელს. ამასთან, სამშვიდობო ჟურნალისტიკაში ევროკავშირის სადამკვირვებლო მისიის (EUMM) მიერ დაწესებული სპეციალური პრიზი გაიცემა საუკეთესო ჟურნალისტური ნაშრომისთვის, რომელიც საქართველოში მომხდარი შეიარაღებული კონფლიქტების კონტექსტში ნდობისა და მშვიდობის აღდგენას უწყობს ხელს.

წლევანდელი კონკურსის ნაწილია ახალი კატეგორია, რომელიც საუკეთესო სტუდენტურ ნამუშევარს ავლენს.

2023 წლის პრიზი ჟურნალისტიკაში რვა კატეგორიაში გაიცემა:

• საუკეთესო სტატია ბეჭდურ ან ელექტრონულ მედიაში;
• საუკეთესო სიუჟეტი სამაუწყებლო ან ელექტრონულ მედიაში;
• საუკეთესო საგამოძიებო სტატია ან სიუჟეტი ბეჭდურ, ელექტრონულ ან სამაუწყებლო მედიაში;
• საუკეთესო ბლოგი, საავტორო სტატია ან სვეტი ბეჭდურ, ელექტრონულ ან სამაუწყებლო მედიაში;
• ყველაზე ორიგინალური და ინოვაციური ნაშრომი ბეჭდურ, ელექტრონულ ან სამაუწყებლო მედიაში;
• ევროკავშირის ფასეულობების ამსახველი საუკეთესო დოკუმენტური ფოტო;
• საუკეთესო სტუდენტური ნაშრომი ბეჭდურ, ელექტრონულ ან სამაუწყებლო მედიაში;
• კონფლიქტის თემაზე შექმნილი საუკეთესო ჟურნალისტური ნამუშევარი, რომელიც საქართველოში მომხდარი შეიარაღებული კონფლიქტების კონტექსტში ნდობისა და მშვიდობის აღდგენას უწყობს ხელს (EUMM-ის სპეციალური პრიზი მშვიდობის ჟურნალისტიკაში).

პირველი შვიდი კატეგორიის თითოეული გამარჯვებული ფულადი ჯილდოს სახით დაახლოებით 5,200 ლარს მიიღებს. EUMM-ის სპეციალური პრიზის მფლობელი კი „ომისა და მშვიდობის გაშუქების ინსტიტუტის“ ლონდონის ოფისში ერთთვიან სტაჟირებას გაივლის.

განაცხადების შეტანის ბოლო ვადაა 2023 წლის 1 ნოემბერი. 

დამატებითი ინფორმაცია

პრესრელიზი