Eurochambres: EU4BCC აღმოსავლეთ პარტნიორობის ბიზნესის სფეროს წარმომადგენელთა დასაკავშირებლად ღონისძიებას მართავს

ევროკავშირის მიერ დაფინანსებული პროექტი, „EU4Business: კომპანიების დაკავშირება“ (EU4BCC), რომელიც ახლახან 2024 წლის დეკემბრამდე გახანგრძლივდა, ბიზნესის სფეროს წარმომადგენლების დამაკავშირებელ ონლაინღონისძიებას მართავს. ინიციატივა აღმოსავლეთ პარტნიორობის რეგიონში მოქმედი ბიზნესის მხარდამჭერი ორგანიზაციებისა და მცირე და საშუალო საწარმოებისთვისაა განკუთვნილი. 

ვირტუალური შეხვედრა შედგება ცალკეული სესიებისგან, რომლებზეც ბიზნესის მხარდამჭერ ორგანიზაციებსა და მცირე და საშუალო საწარმოებს რეგიონთაშორისი თანამშრომლობის, ცოდნის გაზიარებისა და მდგრადი ზრდის შესაძლებლობები მიეცემათ. 

ღონისძიების მონაწილეები საქმიანი კავშირების დამყარებას და სათანადო ბიზნესპარტნიორების პოვნას შეძლებენ. რეგისტრაციის გავლისთანავე მათთვის ხელმისაწვდომი გახდება დამსწრეთა ჰაბი, რომლის დახმარებითაც დაუკავშირდებიან პოტენციურ პარტნიორებს და მოაწყობენ პირისპირ შეხვედრებს.

ევროკავშირი EU4BCC პროექტს EU4Business ინიციატივის ფარგლებში აფინანსებს. ინიციატივა ევროკავშირის ყველა იმ აქტივობას მოიცავს, რომელიც აღმოსავლეთ პარტნიორობის რეგიონში მცირე და საშუალო საწარმოების განვითარებას უჭერს მხარს. 

აღმოსავლეთ პარტნიორობის ქვეყნებში მდგრადი ეკონომიკური განვითარებისა და სამუშაო ადგილების შესაქმნელად, EU4BCC  ეხმარება მცირე და საშუალო საწარმოებს, იზიდავს უცხოურ ინვესტიციებს და აკავშირებს საწარმოებს ევროკავშირში მოქმედ კომპანიებთან. 

ღონისძიება 5 დეკემბერს გაიმართება. მონაწილეობა უფასოა, მაგრამ აუცილებელია რეგისტრაცია.

დამატებითი ინფორმაცია

პრესრელიზი

სარეგისტრაციო ბმული