EU4Environment საქართველოში ეკოლოგიურად სუფთა პროდუქტების ერთიანი ბაზრის წარსადგენად ორგანიზაციებს ეძებს

EU4Environment ეძებს ორგანიზაციებსა და ინსტიტუტებს, რომლებიც მზად არიან, მხარი დაუჭირონ გაეროს ინდუსტრიული განვითარების ორგანიზაციას (UNIDO) ეკოლოგიურად სუფთა პროდუქტების ევროკავშირის ერთიანი ბაზრის (SMGP) ინიციატივის საქართველოში წარსადგენად. გარდა ამისა, ინიციატივის ფარგლებში შერჩეული, ექსპორტზე ორიენტირებული საწარმოები „პროდუქტის გარემოსდაცვითი კვალის“ (PEF) შეფასების მეთოდოლოგიას გამოცდიან.

კონკურსი „წრიული ეკონომიკისა და ზრდის ახალი შესაძლებლობების“ ინიციატივის ნაწილია. მას UNIDO ევროკავშირის აღმოსავლეთ პარტნიორობის ქვეყნებში ევროკავშირის მიერ დაფინანსებული  EU4Environment პროგრამის ფარგლებში ახორციელებს. 

შერჩეულ ორგანიზაციებს დაევალებათ: SMGP-ისა და PEF-ის მეთოდოლოგიაზე ცნობიერების ამამაღლებელი კამპანიის ჩატარება; იმის გარკვევა, თუ რამდენადაა შესაძლებელი ქვეყანაში PEF-ის მეთოდოლოგიის გამოყენება; შერჩეულ ინდუსტრიებში მოქმედი და ექსპორტზე ორიენტირებული ქართული მცირე და საშუალო ზომის საწარმოებისთვის ტრენინგის ჩატარება და წინასწარი შეფასებების მომზადება.

 წინადადების წარდგენა აქ შეგიძლიათ. 

ვაჭრობის მონაწილედ დასარეგისტრირებლად, თავდაპირველად გაეცანით UNIDO-ს შესყიდვების პორტალის გზამკვლევს.

განაცხადების შეტანის ბოლო ვადაა 2022 წლის 14 დეკემბერი. 

დამატებითი ინფორმაცია

ინიციატივისადმი მიძღვნილი ბროშურა