EU4Dialogue: ევროკავშირი და UNDP სამოქალაქო საზოგადოების ორგანიზაციებისთვის საგრანტო კონკურსის მეორე რაუნდს აცხადებენ

ევროკავშირმა და გაეროს განვითარების პროგრამამ (UNDP) სამხრეთ კავკასიის საგრანტო სქემის ფარგლებში საქართველოში მოქმედი სამოქალაქო საზოგადოების ორგანიზაციებისთვის კონკურსი გამოაცხადეს.

კონკურსის მიზანი სამხრეთ კავკასიის კონფლიქტით დაზარალებული მოსახლეობის წინაშე მდგარ სოციალურ-ეკონომიკურ და უსაფრთხოების გამოწვევებზე რეაგირებაა. ამ მხრივ, მნიშვნელოვანია, საგრანტო წინადადება განსაკუთრებულ ყურადღებას ამახვილებდეს გენდერული თანასწორობის ხელშეწყობაზე და ბავშვებისა თუ ახალგაზრდების, ასევე სხვადასხვა მოწყვლადი ჯგუფისათვის დამატებითი პერსპექტივების გაჩენაზე.

გრანტები გაიცემა ახალბედა ან/და სათემო სამოქალაქო საზოგადოების ორგანიზაციებზე.

თითოეული გრანტის ფარგლებში გაცემული თანხის მაქსიმალური რაოდენობა 25,000 აშშ დოლარს შეადგენს.

განაცხადების შეტანის ბოლო ვადაა 2023 წლის 23 იანვარი. 

კონკურსი პროექტის, „EU4Dialogue: კონფლიქტის ტრანსფორმაციის მხარდაჭერა სამხრეთ კავკასიასა და მოლდოვის რესპუბლიკაში“, ფარგლებში ტარდება. ამ უკანასკნელს ევროკავშირი აფინანსებს და UNDP ახორციელებს.

დამატებითი ინფორმაცია

პრესრელიზი