დაიწყო კონკურსი სამოქალაქო საზოგადოების ორგანიზაციების ექსპერტებისთვის მობილობის ფონდში მონაწილეობის მისაღებად 

ევროკავშირის მიერ დაფინანსებულმა შავი ზღვის არასამთავრობო ორგანიზაციების ფორუმმა გამოაცხადა კონკურსი შავი ზღვის რეგიონის სამოქალაქო საზოგადოების ორგანიზაციების ექსპერტებისთვის მობილობის ფონდში მონაწილეობის მისაღებად. 

მობილობის ფონდის საშუალებით, ფორუმი მიზნად ისახავს წაახალისოს ექსპერტთა შორის გამოცდილების გაზიარების პროცესი, რაც სამოქალაქო საზოგადოების ორგანიზაციების რეგიონულ თანამშრომლობას შეუწყობს ხელს. პროექტი მხარს დაუჭერს ისეთ აქტივობებს, როგორებიცაა სემინარები, სამუშაო შეხვედრები თუ სასწავლო ვიზიტები.

კონკურსში მონაწილეობა შეუძლიათ სამოქალაქო საზოგადოების ორგანიზაციების წარმომადგენლებსა და ექსპერტებს აზერბაიჯანიდან, მოლდოვიდან, საქართველოდან, სომხეთიდან და უკრაინიდან.

განაცხადების შეტანის ბოლო ვადაა 20 თებერვალი.

შავი ზღვის არასამთავრობო ორგანიზაციების ფორუმი 2008 წელს რუმინული პლატფორმის, NGDO-FOND-ის მიერ და რუმინეთის საგარეო საქმეთა სამინისტროს და ევროკომისიის მხარდაჭერით შეიქმნა. მისი მიზანია შავი ზღვის რეგიონის არასამთავრობო ორგანიზაციების გაძლიერება და მათ შორის დიალოგისა და თანამშრომლობის ხელშეწყობა.

დამატებითი ინფორმაცია

პრესრელიზი