დაიწყო განაცხადების მიღება კონკურსისთვის, „ევროკავშირის პრიზი ჟურნალისტიკაში 2025“ 

ევროკავშირის წარმომადგენლობა საქართველოში კონკურსისთვის, „ევროკავშირის პრიზი ჟურნალისტიკაში“, განაცხადების მიღებას იწყებს. წელს კონკურსი მეთოთხმეტედ ჩატარდება.

საქართველოში ევროკავშირის წარმომადგენლობის მიერ 2012 წელს დაარსებული კონკურსი ქართულ ჟურნალისტიკაში პროფესიონალიზმს და ეთიკის ნორმების დამკვიდრებას უწყობს ხელს. 

კონკურსი გამარჯვებულებს შემდეგ შვიდ კატეგორიაში გამოავლენს: 

1. საუკეთესო სტატია ბეჭდურ ან ელექტრონულ მედიაში;
2. საუკეთესო სიუჟეტი სამაუწყებლო ან ელექტრონულ მედიაში;
3. საუკეთესო საგამოძიებო სტატია ან სიუჟეტი ბეჭდურ, ელექტრონულ ან სამაუწყებლო მედიაში;
4. საუკეთესო ბლოგი/საავტორო სტატია/სვეტი ბეჭდურ, ელექტრონულ ან სამაუწყებლო მედიაში;
5. ყველაზე ორიგინალური და ინოვაციური ნაშრომი ბეჭდურ, ელექტრონულ ან სამაუწყებლო მედიაში;
6. საერთო ფასეულობების ამსახველი საუკეთესო დოკუმენტური ფოტო;
7. საუკეთესო სტუდენტური ნაშრომი ბეჭდურ, ელექტრონულ ან სამაუწყებლო მედიაში.

შვიდივე კატეგორიაში გამარჯვებულებს ფულადი პრიზები გადაეცემათ.

განაცხადების მიღების ბოლო ვადაა 2025 წლის 10 ოქტომბერი.

განაცხადის ფორმა და ნამუშევრების წარდგენის წესები ამ ბმულზეა ხელმისაწვდომი.

დამატებითი ინფორმაცია

პრესრელიზი