ოფელ რუხის მოსახლეობა მშვიდობის საერთაშორისო დღეს აღნიშნავს

21 სექტემბერს სამეგრელოს რეგიონის არასამთავრობო ორგანიზაციებმა მშვიდობის საერთაშორისო დღის აღსანიშნავად ღონისძიება მოაწყვეს. ინიციატივის მიზანი იძულებით ადგილნაცვალი ადამიანების დახმარება და კონფლიქტის შედეგად დაზარალებულ თემებს შორის მშვიდობის დამკვიდრება და დიალოგის გამართვა იყო. 

ქალები, ბავშვები, მცირე მეწარმეები და ახლომდებარე სოფლების მცხოვრებლები სოფელ რუხის მოხუცთა თავშესაფარში, „ჩემი მორდუ“, გამართულ ღონისძიებაზე შეიკრიბნენ.

ღონისძიებაზე ადგილობრივი ოსტატებისა და ბავშვების ხელით შექმნილი ნივთების გამოფენა მოეწყო. სტუმრებმა ასევე მონაწილეობა მიიღეს მოხუცთა თავშესაფრის კედლის მოხატვაში. ამის შედეგად მშვიდობისა და ერთიანობის თემაზე ფერადი კომპოზიცია შეიქმნა.

ევროკავშირისა და გაეროს განვითარების პროგრამის (UNDP) მხარდაჭერით, ღონისძიება ინიციატივის, EU4Dialogue ფარგლებში ორი ადგილობრივი არასამთავრობო ორგანიზაციის მიერ იყო ორგანიზებული. ეს ორგანიზაციებია ქალთა ცენტრი „ხელები მშვიდობისთვის“ და საქველმოქმედო ჰუმანიტარული ცენტრი „აფხაზეთი“.

ორივე ორგანიზაცია კონფლიქტით დაზარალებულ ადამიანებს ეკონომიკური და სოციალური მდგომარეობის გაუმჯობესებაში ეხმარება. „ხელები მშვიდობისთვის“ ახალგაზრდა ქალებს შემოსავლის წყაროს საპოვნელად ხელსაქმეს და ტრადიციულ და ინოვაციურ რეწვას ასწავლის. საქველმოქმედო ჰუმანიტარული ცენტრი „აფხაზეთი“ კი დევნილთა უსაფრთხოების გაზრდას და საცხოვრებელი პირობების გაუმჯობესებას უწყობს ხელს.

დამატებითი ინფორმაცია

პრესრელიზი