საქართველოში რეგიონული პროგრამის, „EU4Youth: ახალგაზრდობის დასაქმება და მეწარმეობა“, ახალი ფაზა ოფიციალურად დაიწყო
ივნისი 8, 2022

საქართველოში რეგიონული პროგრამის, „EU4Youth: ახალგაზრდობის დასაქმება და მეწარმეობა“, ახალი ფაზა ოფიციალურად დაიწყო


ახალი რეგიონული პროგრამა, „EU4Youth: ახალგაზრდობის დასაქმება და მეწარმეობა“, მოლდოვაში, საქართველოსა და სომხეთში ოფიციალურად დაიწყო. პროგრამის მიზანი აღმოსავლეთ პარტნიორობის ქვეყნებში ახალგაზრდების დასაქმებისა და მეწარმეობის წახალისებაა.  

პროგრამის გახსნისადმი მიძღვნილი ღონისძიება საქართველოში 18 მაისს ჩატარდა, სომხეთში — 25 მაისს, ხოლო მოლდოვაში — 1 ივნისს. აზერბაიჯანში კი  პროგრამის დაწყება 23 ივნისისთვის არის დაგეგმილი.

2022-2024 წლებში პროგრამა დაეხმარება ახალგაზრდებს, გაიუმჯობესონ კარიერის მართვის უნარები და დაამყარონ კავშირები სახელმწიფო, კერძო და არასამთავრობო სექტორებთან. კერძოდ კი, პროგრამა პოლიტიკის სფეროსა და შრომით ბაზარზე მოქმედი წამყვანი უწყებების პოტენციალის ამაღლებაზე კონცენტრირდება. 

პროგრამა თანადაფინანსებულია ევროკავშირისა და ლიეტუვის საგარეო საქმეთა სამინისტროს მიერ და მას ახორციელებს ლიეტუვის პროექტების მართვის ცენტრალური სააგენტო (CPMA) აღმოსავლეთ პარტნიორობის ქვეყნებში — აზერბაიჯანში, ბელარუსში, მოლდოვაში, საქართველოში, სომხეთსა და უკრაინაში.

დამატებითი ინფორმაცია 

პრესრელიზი



გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,