საქართველოში Erasmus+-ის შესაძლებლობების გაძლიერების პროექტის DIGITECH განხორციელება დაიწყო

დღეს საქართველოში ევროკავშირის წარმომადგენლობამ Facebook-ზე განაცხადა, რომ საქართველოში ოფიციალურად დაიწყო Erasmus+-ის შესაძლებლობების გაძლიერების პროექტის DIGITECH განხორციელება.

პროექტი ხორციელდება ბიზნესისა და ტექნოლოგიების უნივერსიტეტის მონაწილეობით, ჰამბურგის ტექნოლოგიურ უნივერსიტეტთან (გერმანია) და მარიბორის უნივერსიტეტთან (სლოვენია) პარტნიორობის საფუძველზე.

„ევროკავშირის მხარდაჭერით საქართველოში სტუდენტები და ახალგაზრდა პროფესიონალები შეძლებენ აითვისონ თანამედროვე, მოთხოვნადი უნარები ტექნოლოგიური პროცესების და წარმოების ციფრული გარდაქმნის სფეროში, რაც გაზრდის მათი დასაქმების შესაძლებლობას და მათ მომავლის სამუშაოებისთვის მოამზადებს”, — განაცხადა ევროკავშირის წარმომადგენლობამ Facebook-ზე გამოქვეყნებულ პოსტში.

მომდევნო სამი წლის განმავლობაში პროექტი უზრუნველყოფს სწავლების მეთოდოლოგიების მოდერნიზებას, გააძლიერებს თანამშრომლობას აკადემიურ წრეებსა და წარმოებას შორის, შექმნის ინოვაციურ Digital Twins ლაბორატორიას ბიზნესისა და ტექნოლოგიების უნივერსიტეტში (BTU) და მოახდენს ისეთი მოწინავე ტექნოლოგიების ინტეგრირებას აკადემიურ პროგრამებში, როგორიცაა მაგ., დიდი მონაცემები (Big Data), მანქანური სწავლება და ხელოვნური ინტელექტი.

დამატებითი ინფორმაცია

პრესრელიზი

გთხოვთ, გაითვალისწინოთ, რომ საქართველოს სამართლებრივ და მარეგულირებელ გარემოში მოსალოდნელმა ცვლილებებმა, შესაძლოა, გავლენა მოახდინოს ამ ინიციატივისა და მის ფარგლებში მხარდაჭერილი აქტივობების განხორციელებაზე.