საქართველომ ევროკავშირს შევსებული კითხვარი გადასცა
მაისი 4, 2022

საქართველომ ევროკავშირს შევსებული კითხვარი გადასცა


2 მაისს საქართველომ ევროკავშირის პირველ კითხვარზე პასუხები წარმოადგინა.

პრემიერ-მინისტრმა, ირაკლი ღარიბაშვილმა შევსებული კითხვარი საქართველოში ევროკავშირის წარმომადგენლობის ხელმძღვანელს, კარლ ჰარცელს გადასცა.

„ეს საქართველოს მომავლის ევროპასთან დასაკავშირებლად გადადგმული კიდევ ერთი ნაბიჯია. ევროკავშირი შეაფასებს საქართველოს პროგრესს და მზაობას“, — აღნიშნულია საქართველოში ევროკავშირის წარმომადგენლობის Facebook-ის გვერდზე გამოქვეყნებულ პოსტში.

სამეზობლო პოლიტიკისა და გაფართოების საკითხებში ევროკომისარმა, ოლივერ ვარჰეიმ კითხვარი საქართველოს საგარეო საქმეთა მინისტრს, ილია დარჩიაშვილს 11 აპრილს გადასცა.

ევროკავშირის წევრობის კანდიდატის სტატუსზე განაცხადი აღმოსავლეთ პარტნიორობის სამმა ქვეყანამ — უკრაინამ, მოლდოვამ და საქართველომ — შეიტანა. სამივე მათგანმა შევსებული კითხვარები ევროკავშირს უკვე დაუბრუნა.  

დამატებითი ინფორმაცია

პრესრელიზი



ყველაზე წაკითხული


თემაზე


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,