პროგრამა EU4Environment ადგილობრივ ექსპერტებს ჩამდინარე წყლების COVID-19-ზე შემოწმების მეთოდებში წვრთნის
პროექტის, „EU4Environment — წყლის რესურსები და გარემოსდაცვითი მონაცემები“, მხარდაჭერით, აზერბაიჯანმა, მოლდოვამ, საქართველომ და სომხეთმა COVID-19-ის მონიტორინგის სისტემა შეიმუშავეს. ინიციატივის ფარგლებში უკვე ჩატარდა საქალაქო ჩამდინარე წყლების საპილოტე ანალიზები.
2022 წლის სექტემბერში თბილისსა და კიდევ სამ დედაქალაქში — ერევანში, ბაქოსა და კიშინიოვში — ჩამდინარე წყლების ნიმუშები პირველად შემოწმდა SarsCov-2 ვირუსზე. სინჯების აღების, ანალიზის და შეფასების მეთოდები ევროკავშირის მხარდაჭერით შემუშავდა. პროცედურათა მომზადებას ავსტრიის გარემოს დაცვის სააგენტოს და ვენის ტექნოლოგიური უნივერსიტეტის ექსპერტები ხელმძღვანელობდნენ. მათი დახმარებით აღნიშნული ქვეყნების ჩამდინარე წყლებში პირველად ჩატარდა COVID-19-ის ანალიზი.
მომავალ რამდენიმე თვეში ევროპელი ექსპერტები თითოეულ ქვეყანას ამ პრაქტიკის გრძელვადიანად დანერგვაში დაეხმარებიან. ისინი, ამასთან, ადგილობრივად მომუშავე პარტნიორებს მონაცემთა ინტერპრეტაციის მეთოდებში გამოწვრთნიან. ამის პარალელურად გაიზრდება სინჯების აღების არეალი, რაც COVID-19-ის მონიტორინგის საზღვრებს გააფართოებს. ეს ნაბიჯები გააუმჯობესებს პანდემიის მონიტორინგს, რაც დადებითად აისახება ჯანდაცვის ზოგად მდგომარეობაზე როგორც ამ ქვეყნებში, ასევე საერთაშორისო დონეზეც.
დამატებითი ინფორმაცია
EU4Environment — წყლის რესურსები და გარემოსდაცვითი მონაცემები
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
