ურსულა ფონ დერ ლაიენი: „საქართველო გზაჯვარედინზეა. მან ევროპისკენ აღებული კურსი არ უნდა შეცვალოს“
ევროკომისიის პრეზიდენტმა ურსულა ფონ დერ ლაიენმა 1 მაისს გავრცელებულ განცხადებაში აღნიშნა, რომ ის „დიდი შეშფოთებით“ ადევნებს თვალს საქართველოში არსებულ ვითარებას და გმობს ძალადობას თბილისის ქუჩებში.
„საქართველოს მოქალაქეები დემოკრატიის მიმართ მტკიცე ერთგულებას აჩვენებენ. საქართველოს მთავრობამ ეს მკაფიო გზავნილი უნდა გაითვალისწინოს“, — განაცხადა ფონ დერ ლაიენმა იმ საპროტესტო აქციების შეფასებისას, რომლებიც საქართველოს დედაქალაქში უცხოური გავლენის შესახებ კანონპროექტის მიღების საწინააღმდეგოდ უკვე რამდენიმე დღეა, რაც იმართება.
მან დასძინა, რომ უცხოური გავლენის შესახებ კანონთან დაკავშირებით შეშფოთება ევროკავშირმაც მკაფიოდ გამოხატა. ფონ დერ ლაიენმა საზოგადოებას ასევე შეახსენა, რომ ევროპულმა საბჭომ გასული წლის დეკემბერში საქართველოს კანდიდატის სტატუსი მიანიჭა და დასახა მკაფიო გზა გაწევრიანების საკითხზე მოლაპარაკებების დასაწყებად.
„ქართველ ხალხს საკუთარი ქვეყნისთვის ევროპული მომავალი სურს. ჩვენ მოველით, რომ საქართველოს მთავრობა დაუყოვნებლად იმოქმედებს იმ ვალდებულებებთან დაკავშირებით, რომელთა შესრულების მოვალეობაც საქართველოს, როგორც კანდიდატ ქვეყანას, აქვს“, — განაცხადა ფონ დერ ლაიენმა.
„საქართველო გზაჯვარედინზეა. მან ევროპისკენ აღებული კურსი არ უნდა შეცვალოს“, — დასკვნის სახით აღნიშნა ფონ დერ ლაიენმა.
დამატებითი ინფორმაცია
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
