<strong>პრაიდის კვირეული 2022: წინ გადადგმული ნაბიჯი საქართველოში ლგბტქი+ ადამიანების უფლებათა დაცვის სფეროში</strong>

პრაიდის კვირეული 2022: წინ გადადგმული ნაბიჯი საქართველოში ლგბტქი+ ადამიანების უფლებათა დაცვის სფეროში

ივლისი 8, 2022

ევროკავშირი და მისი პარტნიორები მიესალმნენ იმ ფაქტს, რომ თბილისში 2 ივლისს 2022 წლის პრაიდის კვირეული წარმატებით დასრულდა.

ამასთან დაკავშირებით ერთობლივი განცხადება გამოაქვეყნეს გაეროს განვითარების პროგრამამ (UNDP), ევროკავშირის წარმომადგენლობამ საქართველოში და ამერიკის შეერთებული შტატების, გაერთიანებული სამეფოს, ესპანეთის, ნიდერლანდების, ნორვეგიის, იაპონიის, ისრაელის, საფრანგეთის, შვედეთის, შვეიცარიისა და ჩეხეთის რესპუბლიკის საელჩოებმა საქართველოში.

განცხადებაზე ხელმომწერებმა კვირეულის წარმატებით ჩატარება მის ორგანიზატორებს — თბილისი პრაიდსა და სხვა სამოქალაქო საზოგადოებრივ ორგანიზაციებს მიულოცეს. მათ ასევე სოლიდარობა გამოუცხადეს ლესბოსელ, გეი, ბისექსუალ, ტრანსგენდერ, ქვიარ და ინტერსექს (ლგბტქი+) თემს და მხარი დაუჭირეს მათ სამოქალაქო უფლებას, შიშისა და შეზღუდვების გარეშე ისარგებლონ საქართველოს კონსტიტუციით მინიჭებული უფლებებით.

„კარგად გვესმის, რომ პრაიდ კვირეულის აღნიშვნა უსაფრთხოებასთან დაკავშირებულ რისკებსა და ბევრ სხვა სტრესულ ვითარებას გულისხმობს”, — ვკითხულობთ განცხადებაში, — „უამრავი ლგბტქი+ ადამიანი მსგავს გამოწვევებს ყოველდღიურად უმკლავდება. იმედი გვაქვს და გვჯერა, რომ წლევანდელი პრაიდ კვირეული წინ გადადგმული ნაბიჯია ლგბტქი+ თემის უფლებების დაცვის, მათ შორის შეკრებისა და გამოხატვის თავისუფლების უზრუნველყოფის მხრივ“. 

აღნიშნულის გათვალისწინებით, ევროკავშირმა და მისმა პარტნიორებმა საქართველოს ხელისუფლებას შეახსენეს, რომ აუცილებელია შესაბამისი ზომების მიღება 2021 წლის 5 ივლისის მოვლენებთან დაკავშირებით. ეს, უპირველეს ყოვლისა, გულისხმობს ძალადობის წამქეზებელი და ჩამდენი ყველა პირის დანაშაულის გამოძიებას, რათა მათ კანონის წინაშე აგონ პასუხი.

დამატებითი ინფორმაცია

პრესრელიზი




გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.

ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით.
© European Union,