პაველ ჰერჩინსკი მარნეულსა და სამშვილდეში ევროკავშირის მიერ მხარდაჭერილ პროექტებს ეწვია
15 თებერვალს ევროკავშირის ელჩი საქართველოში, პაველ ჰერჩინსკი მარნეულის მუნიციპალიტეტს და სოფელ სამშვილდეს ეწვია. ვიზიტის მიზანი ადგილობრივ ორგანიზაციებთან, სამოქალაქო საზოგადოებასთან და ახალგაზრდებთან შეხვედრა და რეგიონში არსებული გამოწვევებისა და შესაძლებლობების შესახებ მეტის გაგება იყო.
ელჩი ჰერჩინსკი არასამთავრობო ორგანიზაციის, „წითელი ხიდის“ დამფუძნებლებს შეხვდა და ახალგაზრდებს ესაუბრა. ორგანიზაციის დამფუძნებლებმა წარმოადგინეს პროექტები, რომლებიც ეთნიკური აზერბაიჯანელების საქართველოს განვითარებაში ჩართვას უწყობს ხელს.
ევროკავშირის მიერ დაფინანსებულ ქვემო ქართლის რეგიონულ ჰაბში (STAR) ელჩი ჰერჩინსკი სამოქალაქო საზოგადოების წარმომადგენლებსა და ადგილობრივ აქტივისტებს შეხვდა. მათ ადგილობრივი ინიციატივები, სამოქალაქო საზოგადოების წინაშე მდგარი გამოწვევები და ევროკავშირთან თანამშრომლობის პოტენციური მიმართულებები განიხილეს.
„თქვენი ძალისხმევა უზრუნველყოფს უფრო ინკლუზიური, დინამიკური და ურთიერთდაკავშირებული საზოგადოების განვითარებას, რომელიც ევროკავშირის ღირებულებებთან თანმხვედრ პრინციპებს ეფუძნება“, – განაცხადა ელჩმა.
ვიზიტის დასასრულს ელჩი ჰერჩინსკი სოფელ სამშვილდეში სოციალურ საწარმო „ორბის ბუდეს“ ეწვია. ეს არის ევროკავშირის მიერ მხარდაჭერილი პროექტი, რომელიც მომხმარებლებს ტურისტული მომსახურების ფართო სპექტრს სთავაზობს. საწარმო არა მხოლოდ რეგიონის კულტურული მემკვიდრეობის პოპულარიზაციას ეწევა, არამედ საქმიანობაში ადგილობრივი ქალების ჩართვით ინკლუზიურობასაც უწყობს ხელს.
დამატებითი ინფორმაცია
ყველაზე წაკითხული
თემაზე
ჯოზეფ ბორელი საქართველოს პოლიტიკურ ლიდერებს უცხოური გავლენის შესახებ კანონპროექტის გაწვევისკენ მოუწოდებს
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
