ჯოზეფ ბორელმა და სალომე ზურაბიშვილმა უკრაინაში რუსეთის ომის რეგიონული შედეგები განიხილეს
23 მარტს ევროკავშირის უმაღლესი წარმომადგენელი ჯოზეფ ბორელი საქართველოს პრეზიდენტს, სალომე ზურაბიშვილს ტელეფონით ესაუბრა. მათ უკრაინის წინააღმდეგ რუსეთის უკანონო და გაუმართლებელი აგრესიის რეგიონული შედეგები განიხილეს.
უმაღლესმა წარმომადგენელმა ბორელმა უკრაინაზე თავდასხმის კონტექსტში ხაზგასმით აღნიშნა ევროკავშირის მხარდაჭერა საქართველოს მიმართ. მისივე თქმით, ევროკავშირი მზად არის, გაააქტიუროს საქართველოსთან თანამშრომლობა ქვეყნის მედეგობის გასაძლიერებლად.
ბორელმა ასევე აღნიშნა, რომ რუსეთის უკრაინაზე თავდასხმამ უზარმაზარი მასშტაბის ჰუმანიტარული კატასტროფა გამოიწვია, ევროპის უსაფრთხოება სერიოზულად დააზიანა და საერთაშორისო პრინციპები და სამართალი სრულად უგულებელყო. მან და ზურაბიშვილმა რეგიონის უსაფრთხოებაზე ამ მოვლენების ზეგავლენასა და რუსეთის აგრესიის მიერ პროვოცირებულ უარყოფით ეკონომიკურ შედეგებზე ისაუბრეს.
ჯოზეფ ბორელმა კიდევ ერთხელ დაადასტურა ევროკავშირის მტკიცე მხარდაჭერა საქართველოს სუვერენიტეტისა და ტერიტორიული მთლიანობის მიმართ საერთაშორისოდ აღიარებულ საზღვრებში.
დამატებითი ინფორმაცია
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
