ირაკლი ღარიბაშვილმა საქართველოში ევროკავშირის სადამკვირვებლო მისიის 15 წლის იუბილესადმი მიძღვნილი ფოტოგამოფენა გახსნა

27 სექტემბერს საქართველოს პრემიერ-მინისტრმა ირაკლი ღარიბაშვილმა ოფიციალურად გახსნა ფოტოგამოფენა, რომელიც საქართველოში ევროკავშირის სადამკვირვებლო მისიის (EUMM) 15-წლიან საქმიანობას ეძღვნება. 

15 ფოტოსგან შემდგარი გამოფენა EUMM-ის საქმიანობის სხვადასხვა ასპექტს ასახავს. მისია ქვეყანაში რუსეთის თავდასხმის შემდეგ, 2008 წლის სექტემბერში იმ მიზნით განლაგდა, რომ ხელი შეუწყოს მშვიდობასა და სტაბილურობას საქართველოსა და რეგიონში.

EUMM საქართველოში ევროკავშირის წევრი ქვეყნების 200 დამკვირვებლითაა წარმოდგენილი. ისინი აფხაზეთთან და სამხრეთ ოსეთთან არსებული ადმინისტრაციული სასაზღვრო ხაზების მიმდებარე ტერიტორიებზე დღე-ღამის განმავლობაში პატრულირებენ. 

პრემიერ-მინისტრმა ღარიბაშვილმა მადლობა გადაუხადა მისიას გაწეული სამუშაოსთვის: „2008 წლის 15 სექტემბერს ევროკავშირმა გადადგა გადამწყვეტი ნაბიჯი ევროკავშირის სადამკვირვებლო მისიის დაარსებით. იმ დღიდან მოყოლებული, მისიამ საკვანძო როლი ითამაშა ჩვენს ქვეყანაში სტაბილურობის ხელშეწყობაში“. მან, ამასთან, სახელმწიფოს მხრიდან EUMM-ის მხარდაჭერისადმი სრული მხარდაჭერის მზადყოფნაც გამოხატა. 

გამოფენის ორგანიზატორები არიან EUMM-ის სათავო ოფისი და სამი რეგიონული ოფისი მცხეთაში, გორსა და ზუგდიდში. იდენტური გამოფენები თავდაპირველად სწორედ EUMM-ის ოფისებში მოეწყობა, შემდეგ კი გადაინაცვლებს საჯარო სკოლებში, ბიბლიოთეკებში, სამხატვრო გალერეებსა და ქალაქის ადმინისტრაციის შენობებში.

დამატებითი ინფორმაცია

პრესრელიზი