ევროპული საბჭო: უკრაინას და მოლდოვას ევროკავშირის წევრობის კანდიდატის სტატუსი მიენიჭათ
ივნისი 24, 2022

ევროპული საბჭო: უკრაინას და მოლდოვას ევროკავშირის წევრობის კანდიდატის სტატუსი მიენიჭათ


23 ივნისს ევროპულმა საბჭომ უკრაინისა და მოლდოვისთვის ევროკავშირის წევრობის კანდიდატის სტატუსის მინიჭების გადაწყვეტილება მიიღო.

„ეს არის ისტორიული მომენტი. დღეს თქვენ უმნიშვნელოვანესი ნაბიჯი გადადგით ევროკავშირის მიმართულებით“, — დაწერა ტვიტერზე ევროპული საბჭოს პრეზიდენტმა, შარლ მიშელმა — „ვულოცავთ [ვოლოდიმირ] ზელენსკის და მაია სანდუს, მათთან ერთად კი უკრაინელ და მოლდოველ ხალხს. ჩვენ საერთო მომავალი გვაქვს“. 

ამავე დროს, საბჭომ საქართველოს ევროპული პერსპექტივის აღიარების გადაწყვეტილებაც მიიღო. შარლ მიშელის თქმით, „საბჭო მზად არის, მიანიჭოს [საქართველოს] წევრობის კანდიდატის სტატუსი პრიორიტეტული პრობლემების გადაჭრისთანავე“.

ამ გადაწყვეტილების მიღებას წინ უსწრებდა მოსაზრებები, რომლებიც ევროკომისიამ ევროკავშირის წევრობაზე შეტანილი სამივე განაცხადის თაობაზე 17 ივნისს გამოაქვეყნა.

„მოხარული ვარ, რომ  ქვეყნების მეთაურებმა ჩვენი მოსაზრებები დაამტკიცეს“, — განაცხადა ევროკომისიის პრეზიდენტმა, ურსულა ფონ დერ ლაიენმა ევროპული საბჭოს შეკრების შემდეგ გამართულ პრესკონფერენციაზე, — „რა თქმა უნდა, ევროკავშირში გაწევრიანების პროცესის შემდეგ საფეხურზე გადასვლამდე, სამივე ქვეყანას ბევრი რამ აქვს შესასრულებელი. თუმცა, მე დარწმუნებული ვარ, რომ ისინი უმოკლეს ვადაში გააკეთებენ ყველაფერს, რაც რეფორმების გასატარებლადაა საჭირო“. 

მან ასევე დაურთო, რომ ევროკავშირში გაწევრიანებისთვის საჭირო ცვლილებები, პირველ რიგში, ამ ქვეყნების დემოკრატიის, ეკონომიკისა და მოქალაქეებისთვის იქნება სარგებლის მომტანი.

„ეს გადაწყვეტილება ყველა ჩვენგანს აძლიერებს. ის აძლიერებს რუსეთის იმპერიალიზმის წინაშე მდგარ უკრაინას, მოლდოვას და საქართველოს. და ის აძლიერებს ევროკავშირს, რადგან კიდევ ერთხელ უჩვენებს მსოფლიოს ჩვენს ერთიანობას და სიძლიერეს გარე საფრთხეების წინააღმდეგ“, — აღნიშნა ურსულა ფონ დერ ლაიენმა.

დამატებითი ინფორმაცია

პრესრელიზი


თემაზე

ნოემბერი 27, 2023

ევროპარლამენტი რუსული საოკუპაციო ძალების მიერ თამაზ გინტურის მკვლელობას და ლევან დოთიაშვილის გატაცებას გმობს

ნოემბერი 24, 2023

ევროკავშირის მიერ მხარდაჭერილი კვლევა შრომითი მიგრანტი ქალების სოციალურ-ეკონომიკურ საჭიროებებს ავლენს

ნოემბერი 23, 2023

თბილისში ევროკავშირის სადამკვირვებლო მისიის კონკურსში გამარჯვებულის დოკუმენტური ფილმის პრემიერა შედგა

ნოემბერი 22, 2023

ევროპაში მოგზაურობის შესახებ ინფორმაციისა და ავტორიზაციის სისტემა 2025 წლის შუა პერიოდიდან ამოქმედდება

ნოემბერი 21, 2023

საქართველოს სახალხო დამცველმა ევროკავშირის სადამკვირვებლო მისიას „2023 წლის ტოლერანტობის ქომაგის“ ჯილდო გადასცა


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,