ევროპის სოლიდარობის კორპუსი 2026 წელს 175.3 მილიონი ევროს მოცულობის გაზრდილი ბიუჯეტით ისარგებლებს

ევროკომისიამ ევროპის სოლიდარობის კორპუსისთვის 2026 წელს ბიუჯეტის გაზრდას დაუჭირა მხარი. გაზრდილი ბიუჯეტი 175.3 მილიონ ევროს შეადგენს. 

2016 წელს ამოქმედებული ევროპის სოლიდარობის კორპუსი აგრძელებს ევროკავშირის ხანგრძლივ ტრადიციას, მხარი დაუჭიროს ახალგაზრდების მოხალისეობრივ საქმიანობასა და თემში ჩართულობას. ის 18-იდან 30 წლამდე ახალგაზრდებს (ჰუმანიტარული დახმარების მიმართულებით კი 35 წლამდე მოხალისეებს) ევროპის მასშტაბით და მის საზღვრებს მიღმაც (მათ შორის საქართველოში) ორგანიზაციებთან და პროექტებთან აკავშირებს. 

შექმნის დღიდან ინიციატივამ 150,000-ზე მეტი ახალგაზრდისთვის უზრუნველყო ცხოვრების შემცვლელი შესაძლებლობები და სოლიდარობის, ჰუმანიტარული დახმარებისა და განვითარების თანამშრომლობის 22,000-ზე მეტი პროექტის ფარგლებში გააძლიერა თემთა ერთობა.

2026 წელს პროგრამა ამ მიღწევებზე დაყრდნობით გააგრძელებს იმ პროექტების დაფინანსებას, რომლებიც ხელს უწყობს მისი 2021–2027 წლების პრიორიტეტებს: ინკლუზიასა და მრავალფეროვნებას, გარემოსდაცვითი მდგრადობას, ციფრულ ტრანსფორმაციას და დემოკრატიულ პროცესებში მონაწილეობას. 

2026 წელს ევროპის სოლიდარობის კორპუსი კვლავ დაუჭერს მხარს მოხალისეობრივ საქმიანობას, სოლიდარობის პროექტებს და საქმიანი კავშირების ხელშემწყობ ინიციატივებს. ის ასევე ხელს შეუწყობს ხარისხისა და მხარდაჭერის გამაძლიერებელ ზომებს, მათ შორის ტრენინგისა და შეფასების ციკლებს, IT ინსტრუმენტებსა და ხარისხის ნიშნის მექანიზმებს მონაწილე ორგანიზაციებისთვის. 

დამატებითი ინფორმაცია

პრესრელიზი

ევროპის სოლიდარობის კორპუსი