ევროპის რეკონსტრუქციისა და განვითარების ბანკი საქართველოს მწვანე ობლიგაციებში 50 მილიონი დოლარის ოდენობის ინვესტიციას დებს 
ივნისი 25, 2021

ევროპის რეკონსტრუქციისა და განვითარების ბანკი საქართველოს მწვანე ობლიგაციებში 50 მილიონი დოლარის ოდენობის ინვესტიციას დებს 


ევროპის რეკონსტრუქციისა და განვითარების ბანკმა (EBRD) 50 მილიონი აშშ დოლარის ინვესტირება მოახდინა პირველ მწვანე ობლიგაციებში, რომლებიც საქართველოს სახელმწიფოს მფლობელობაში მყოფმა ეროვნულმა სარკინიგზო კომპანიამ, საქართველოს რკინიგზამ გამოუშვა.

ობლიგაციების მთლიანი მოცულობა 500 მილიონი აშშ დოლარია და მას დაფარვის შვიდწლიანი ვადა აქვს. ადგილობრივი და საერთაშორისო ინვესტორების მიერ  გამოწერილი ობლიგაციები 10 ივნისს შეფასდა და მათი ანგარიშსწორების დღედ 17 ივნისი განისაზღვრა. ობლიგაციებით ვაჭრობა ლონდონის საფონდო ბირჟაზე იქნება შესაძლებელი.

მიღებული თანხა საქართველოს რკინიგზის იმ ფასიანი ქაღალდების რეფინანსირებას მოხმარდება, რომელთა დაფარვის ვადაც 2022 წელს იწურება. ობლიგაციების სუფთა მოგების საპირწონე თანხით კი ქვეყნის ეკოლოგიური პროექტები დაფინანსდება.

საქართველოს რკინიგზისა და საქართველოსთვის ეს უმნიშვნელოვანესი გარიგებაა“, — აღნიშნა EBRD-ის დირექტორმა და ევრაზიის ინფრასტრუქტურის განყოფილების ხელმძღვანელმა, ეკატერინა მიროშნიკმა, — „ევროპის რეკონსტრუქციისა და განვითარების ბანკი რეგიონში მწვანე დაფინანსების გაზრდას გეგმავს, რათა ქვეყნებს და ბიზნესებს  ნულოვან ემისიაზე გადასვლის პროცესში დაეხმაროს“.

EBRD წამყვანი ინსტიტუციური ინვესტორია საქართველოში. დღეისათვის ბანკს  ფინანსების, კორპორაციულ, ინფრასტრუქტურულ და ენერგეტიკის სექტორებში მომუშავე 262 პროექტში 4 მილიარდ ევროზე მეტი აქვს ინვესტირებული. ამასთან, ამ ინვესტიციების 79 პროცენტი კერძო სექტორშია ჩადებული.

დამატებითი ინფორმაცია

პრესრელიზი

 



ყველაზე წაკითხული


თემაზე

მაისი 28, 2024

ევროკომისარი ვარჰეი: „საქართველოს პრემიერ-მინისტრთან ჩემი სატელეფონო საუბრის ნაწილი კონტექსტიდანაა ამოღებული“

მაისი 24, 2024

ევროკავშირი მოუწოდებს საქართველოს მთავრობას, დაიცვას ვენეციის კომისიის რეკომენდაცია უცხოური გავლენის შესახებ კანონის გაუქმებაზე

მაისი 23, 2024

ევროკავშირისა და UNDP-ის ხელშეწყობით სკოლის მოსწავლეები შავი ზღვის ეკოსისტემას სწავლობენ

მაისი 21, 2024

EBRD კრედო ბანკს ადგილობრივი მცირე ბიზნესის მხარდასაჭერად სესხით უზრუნველყოფს

მაისი 15, 2024

ბრიუსელი საქართველოს ხელისუფლებას „უცხოელი აგენტების შესახებ“ კანონის გაწვევისკენ მოუწოდებს 


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,