ევროპის რეკონსტრუქციისა და განვითარების ბანკი საქართველოს ბანკის კაპიტალს ზრდის
ივნისი 1, 2022

ევროპის რეკონსტრუქციისა და განვითარების ბანკი საქართველოს ბანკის კაპიტალს ზრდის


ევროპის რეკონსტრუქციისა და განვითარების ბანკი (EBRD) საქართველოს ბანკს 35 მილიონი აშშ დოლარის ოდენობის სესხს გამოუყოფს. თანხა საქართველოს ეკონომიკის ზრდასა და მისი ფინანსური სექტორის მდგრადობის გაძლიერებას მოხმარდება.

გარდა ამისა, შვედეთის განვითარების საფინანსო ინსტიტუტი (Swedfund) დამატებით 15 მილიონ აშშ დოლარს გამოყოფს, რაც სესხის მთლიან ოდენობას 50 მილიონ აშშ დოლარამდე გაზრდის. 

სესხი ხელს შეუწყობს საქართველოს ბანკის კაპიტალის ოპტიმიზაციას და მდგრადობას. ამ გზით კი ქვეყნის რეალური ეკონომიკისთვის კრედიტების უწყვეტად მიწოდების პროცესი გაუმჯობესდება.

საქართველოს ბანკი მიღებულ სესხს იმ მწვანე ინვესტიციებისთვის გამოიყენებს, რომლებიც მწვანე ეკონომიკაზე გადასვლასთან დაკავშირებულ EBRD-ის კრიტერიუმებს აკმაყოფილებს. გარდა ამისა, EBRD ტექნიკური თანამშრომლობის პროგრამისთვისაც გასცემს გრანტს. თანხა საქართველოს ბანკის მწვანე ეკონომიკის დაფინანსების ინიციატივების მხარდაჭერას მოხმარდება.

დამატებითი ინფორმაცია 

პრესრელიზი



გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,