ევროპის განათლების ფონდი ევროკავშირის სამეზობლოში ახალგაზრდების გაძლიერების მიზნით #MySkills4You კამპანიას იწყებს
4 დეკემბერს ევროპის განათლების ფონდმა (ETF) სოციალური მედიაკამპანია, #MySkills4You, დაიწყო. ინიციატივის მიზანია, ხელი შეუწყოს სამხრეთ და აღმოსავლეთ სამეზობლოსა და დასავლეთ ბალკანეთის რეგიონებში მცხოვრებ ახალგაზრდებს, აქტიურად ჩაერთონ უნარების ევროპული წლის ფარგლებში ორგანიზებულ აქტივობებში.
კამპანია ვიდეორგოლების საშუალებით აშუქებს იმ პერსპექტივებს, რომლებიც ახალგაზრდებს თავთავიანთ ქვეყნებში მნიშვნელოვანი უნარების განვითარების მხრივ აქვთ. კამპანიის ფარგლებში ETF დაუკავშირდა 16-იდან 28 წლამდე ახალგაზრდებს, რათა გაეგო, როგორ აფასებენ ისინი თავიანთი ქვეყნების ძალისხმევას, მხარი დაუჭირონ ახალგაზრდების უნარების განვითარებას.
კამპანია 2024 წლის აპრილამდე გაგრძელდება და უნარებისა და შესაძლებლობების ფართო სპექტრს მოიცავს.
საქართველოდან კამპანიის კონტრიბუტორი მარიამ ქეცბაიაა, რომლისთვისაც უმნიშვნელოვანეს უნარებს კომუნიკაცია და გუნდური მუშაობა წარმოადგენს.
უნარების ევროპული წელი ევროპის მასშტაბით უწყობს ხელს უნარების განვითარებასთან დაკავშირებულ ღონისძიებებს, ტრენინგებში ინვესტირებას და უნარების შესაბამისობას დამსაქმებელთა მოთხოვნებთან. ის, ამასთან, იზიდავს ევროკავშირის ფარგლებს გარეთ მცხოვრებ იმ ადამიანებსაც, რომლებსაც საჭირო უნარები აქვთ.
ETF ევროკავშირში მოქმედი სააგენტოა, რომელიც სამეზობლოს ქვეყნებს განათლების, ტრენინგისა და შრომის ბაზრის სისტემების რეფორმირებაში ეხმარება.
დამატებითი ინფორმაცია
MySkills4You — ვიდეორგოლები
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
