ევროპარლამენტმა ოკუპირებულ ტერიტორიებზე რუსეთის მიერ გაცემული პასპორტების არაღიარებას დაუჭირა მხარი
ევროპის პარლამენტმა მხარი დაუჭირა გადაწყვეტილებას, არ აღიაროს უკრაინის და საქართველოს უკანონოდ ოკუპირებულ ტერიტორიებზე რუსეთის მიერ გაცემული პასპორტები და სხვა სამგზავრო დოკუმენტები.
ევროპულ საბჭოსთან გაფორმებული ხელშეკრულება ევროპარლამენტის წევრთა უმრავლესობამ (531 ხმა) დაამტკიცა. ხელშეკრულების მხარეები არ აღიარებენ უკრაინისა და საქართველოს ოკუპირებულ ტერიტორიებზე ვიზების მისაღებად და ევროკავშირის საგარეო საზღვრების გადაკვეთის მიზნით რუსეთის მიერ გაცემულ სამგზავრო დოკუმენტებს.
ევროპარლამენტის წინადადების თანახმად, ევროკომისიამ კონსულტაციები უნდა გაიაროს ევროკავშირის წევრ სახელმწიფოებთან იმ რუსულ სამგზავრო დოკუმენტებთან — კერძოდ, პასპორტებთან — დაკავშირებით, რომლებიც არ იქნება აღიარებული. თუმცა, ის ადამიანები, რომლებიც უკრაინიდან ომს გაურბიან, ევროკავშირში შესვლას ჰუმანიტარულ საფუძველზე კვლავ შეძლებენ.
გადაწყვეტილება მაშინვე შევა ძალაში, როგორც კი ის ფორმალურად დამტკიცდება ევროპული საბჭოს მიერ და გამოქვეყნდება ევროკავშირის ოფიციალურ ჟურნალში.
დამატებითი ინფორმაცია
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
