ევროკომისიის გაფართოებისა და აღმოსავლეთ სამეზობლო პოლიტიკის საკითხების გენერალური დირექტორატი (DG ENEST) იწვევს სამოქალაქო საზოგადოებას არაფორმალურ საინფორმაციო სესიაზე გლობალური ევროპის წინადადების თაობაზე

ახლახან ევროკომისიამ წარმოადგინა წინადადება მომდევნო მრავალწლიან ფინანსურ ჩარჩოსთან დაკავშირებით (MFF 2028–2034), მათ შორის – გლობალური ევროპის რეგულაციის და ეფექტიანობის  ჰორიზონტალური 

რეგლამენტირების საკითხები. ეს წინადადებები შეეხება გაფართოების კანდიდატ და აღმოსავლეთ სამეზობლო რეგიონის ქვეყნებს.

ამ მოვლენების უფრო მკაფიოდ გასაშუქებლად, გაფართოებისა და აღმოსავლეთ სამეზობლოს საკითხების გენერალური დირექტორატი (DG ENEST) მოხარულია მიიწვიოს რეგიონში მომუშავე სამოქალაქო საზოგადოების ორგანიზაციები არაფორმალურ საინფორმაციო სესიაზე, რომელიც განიხილავს გლობალური ევროპის წინადადების გავლენას გაფართოების და აღმოსავლეთ სამეზობლო რეგიონებზე. სესიას უმასპინძლებს მათიე ბუსკე, DG ENEST-ის გაფართოების კოორდინაციის, სტრატეგიისა და ინვესტიციების მიმართულების დირექტორი.

სესია დაგეგმილია 4 ნოემბერს, 15:00-დან 16:30 საათამდე (ცენტრალური ევროპის დროით) და ის ონლაინ რეჟიმში გაიმართება.  (მხოლოდ ინგლისურ ენაზე – თარგმანი არ არის ხელმისაწვდომი).

სესია მიმოიხილავს, თუ რას შეიძლება ნიშნავდეს გლობალური ევროპა გაფართოების ქვეყნებისა და აღმოსავლეთ სამეზობლოს პარტნიორებისთვის, და მისცემს სამოქალაქო საზოგადოების წარმომადგენლებს შეკითხვების დასმის შესაძლებლობას (ხაზგასმით აღვნიშნავთ: ეს შეხვედრა წარმოადგენს არაფორმალურ საინფორმაციო სესიას და არა საჯარო კონსულტაციას).

ღონისძიებაზე დასწრება შეუძლია ყველა დაინტერესებულ სამოქალაქო საზოგადოების ორგანიზაციას. ონლაინ შეხვედრის ბმულის მისაღებად, გაიარეთ რეგისტრაცია აქ.

დამატებითი ინფორმაცია

პრესრელიზი

რეგისტრაციის ფორმა