DG ENEST-ը քաղաքացիական հասարակության կազմակերպություններին հրավիրում է «Գլոբալ Եվրոպա» առաջարկի վերաբերյալ ոչ պաշտոնական տեղեկատվական հանդիպման

Եվրոպական հանձնաժողովը վերջերս ներկայացրեց հաջորդ բազմամյա ֆինանսական շրջանակի (2028-2034 թթ.) իր առաջարկը, որը ներառում է «Գլոբալ Եվրոպա» կանոնակարգը եւ հորիզոնական կատարողականի կանոնակարգը: Այս առաջարկները կկիրառվեն ընդլայնման փուլում գտնվող երկրների, ինչպես նաեւ Արեւելյան հարեւանության նկատմամբ: 

Ընթացիկ գործընթացներին լրացուցիչ պարզություն հաղորդելու համար Ընդլայնման եւ Արեւելյան հարեւանության հարցերով գլխավոր տնօրինությունը (DG ENEST) տարածաշրջանում գործող քաղաքացիական հասարակության կազմակերպություններին ուրախությամբ հրավիրում է տեղեկատվական հանդիպման՝ նվիրված ընդլայնման եւ Արեւելյան հարեւանության տարածաշրջանների վրա «Գլոբալ Եվրոպա» առաջարկի ազդեցությանը: Նիստը կվարի DG ENEST-ի Ընդլայնման համակարգման, ռազմավարության եւ ներդրումների տնօրեն Մաթյո Բուսկեն:

Հանդիպումը նախատեսված է նոյեմբերի 4-ին, ժամը 15:00-ից մինչեւ 16:30-ը (ԿԵԺ) եւ կանցկացվի առցանց (միայն անգլերեն՝ թարգմանություն չի տրամադրվում)։

Հանդիպման շրջանակում կներկայացվի «Գլոբալ Եվրոպա» նախաձեռնության հնարավոր նշանակության ամփոփ պատկերը ընդլայնման երկրների եւ Արեւելյան հարեւանության գործընկերների համար։ Այն նաեւ հնարավորություն կտա քաղաքացիական հասարակության կազմակերպություններին հարցեր տալ (խնդրում ենք նկատի ունենալ, որ սա ոչ թե հանրային խորհրդակցություն է, այլ ոչ պաշտոնական տեղեկատվական հանդիպում):

Միջոցառումը բաց է բոլոր շահագրգիռ քաղաքացիական հասարակության կազմակերպությունների համար։ Խնդրում ենք գրանցվել այս հղումով՝ առցանց հանդիպմանը մասնակցելու համար։

Իմացիր ավելին

Մամուլի հաղորդագրություն

Գրանցում