ევროკომისიამ ევროკავშირის კანონთა კრებულთან საქართველოს შესაბამისობის შესახებ ანგარიში გამოაქვეყნა
3 თებერვალს ევროკომისიამ გამოაქვეყნა ანალიტიკური ანგარიშები, რომლებშიც შეფასებულია ის შესაძლებლობები, რომლებიც უკრაინას, მოლდოვის რესპუბლიკას და საქართველოს ევროკავშირის წევრობასთან დაკავშირებული ვალდებულებების აღების მხრივ აქვთ. ანგარიშებში დეტალურადაა გაანალიზებული, თუ რას მიაღწიეს ქვეყნებმა ევროკავშირის კანონთა კრებულთან (EU acquis) შესაბამისობის თვალსაზრისით.
ანგარიშები ევროკავშირში გაწევრიანებაზე სამი ქვეყნის მიერ წარდგენილი განაცხადების თაობაზე ევროკომისიის 2022 წლის ივნისის მოსაზრებებს ავსებს. მოსაზრებებში განსაზღვრული შესასრულებელი პრიორიტეტების გათვალისწინებით, ევროპულმა საბჭომ ევროპული პერსპექტივა სამივე ქვეყანას მიანიჭა, ხოლო კანდიდატის სტატუსი — უკრაინას და მოლდოვას.
ანგარიშებში ევროკომისიამ სამი ქვეყნის მიერ შევსებულ კითხვარებზე დაყრდნობით შეაფასა ევროკავშირის კანონთა კრებულთან განმცხადებლების მიახლოების დონე. ანგარიშებში ასევე გათვალისწინებულია ასოცირების შესახებ შეთანხმებებზე — მათ შორის ღრმა და ყოვლისმომცველი თავისუფალი სავაჭრო სივრცის შესახებ შეთანხმებებზე (AA/DCFTA) — წლების განმავლობაში ჩატარებულ იმ დიალოგთა ფარგლებში მიღებული ინფორმაცია, რომელთა მიზანიც შეთანხმებათა განხორციელების შეფასება იყო. სამივე განმცხადებელი ერთი და იმავე კრიტერიუმების და საკუთარი დამსახურებების მიხედვით შეფასდა.
ევროკომისია მოსაზრებებში განსაზღვრული პრიორიტეტების შესაბამისად გატარებული რეფორმების კუთხით სამი ქვეყნის წინსვლაზე ანგარიშებს შემოდგომაზე დაგეგმილი მომდევნო „გაფართოების პაკეტის“ ნაწილად წარადგენს. ეს ანგარიშები გაითვალისწინებს 2022 წლის ივნისიდან მოყოლებულ პერიოდში მიღწეულ პოლიტიკურ შედეგებს და გასცემს რეკომენდაციებს მომდევნო პერიოდში განსახორციელებელ რეფორმებთან დაკავშირებით.
დამატებითი ინფორმაცია
ევროკომისიის ანალიტიკური ანგარიში ევროკავშირის კანონთა კრებულთან საქართველოს შესაბამისობის შესახებ
ევროკომისიის ანალიტიკური ანგარიში ევროკავშირის კანონთა კრებულთან უკრაინის შესაბამისობის შესახებ
ევროკომისიის ანალიტიკური ანგარიში ევროკავშირის კანონთა კრებულთან მოლდოვის შესაბამისობის შესახებ
ევროკომისიის მოსაზრებები ევროკავშირის წევრობაზე გაკეთებული განაცხადების თაობაზე
ყველაზე წაკითხული
თემაზე
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ევროკავშირი და გერმანია აჭარაში წყალმომარაგებისა და წყალარინების სისტემების განახლებას უჭერენ მხარს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
