ევროკავშირმა საქართველოს შინაგან საქმეთა სამინისტროს პასპორტის წამკითხველები გადასცა  

ევროკავშირმა, მიგრაციის საერთაშორისო ორგანიზაციასთან (IOM) ერთად, საქართველოს შინაგან საქმეთა სამინისტროს საჩუქრად პასპორტის წამკითხველი 20 მოწყობილობა გადასცა. აპარატურა, რომლის საერთო ღირებულებაა 22,000 ევრო (90,000 ლარი), საქართველოს მთავრობას უკანონო მიგრაციასთან ბრძოლასა და სასაზღვრო უსაფრთხოების გაძლიერებაში დაეხმარება.

 მოწყობილობები საქართველოს შინაგან საქმეთა სამინისტროს აკადემიაში განთავსდება და მათ მესაზღვრე–კონტროლიორების მომზადებისას გამოიყენებენ. 

 „ევროკავშირი და საქართველო  საზღვრის უსაფრთხოების გაძლიერების მიმართულებით მჭიდროდ თანამშრომლობენ. ამ მიზანს ევროკავშირი უკვე წლებია, რაც მხარს უჭერს”, — აღნიშნა ევროკავშირის დელეგაციის თანამშრომლობის განყოფილების უფროსის მოადგილემ, კატალინ გერმანმა, — „აღნიშნული ევროკავშირის იმ ფართო მხარდაჭერის ნაწილია, რომელიც საქართველოში საზღვრების თანამედროვე სტანდარტებით მართვას და საქართველოს მოქალაქეების უსაფრთხოების უზრუნველყოფას ისახავს მიზნად“.

პასპორტის წამკითხველები შინაგან საქმეთა სამინისტროს ევროკავშირის მიერ დაფინანსებული „ევროკავშირის უსაფრთხოების, ანგარიშვალდებულებისა და საქართველოში დანაშაულის წინააღმდეგ ბრძოლის“ (SAFE) პროგრამის ფარგლებში გადაეცა. 

დამატებითი ინფორმაცია

პრესრელიზი