ევროკავშირის საჯარო შესყიდვების ბაზარი ქართული კომპანიებისთვის გაიხსნა
ქართულ კომპანიებს ევროკავშირის საჯარო შესყიდვების ბაზარზე წვდომა გაეხსნათ. ეს საქართველო-ევროკავშირის ასოცირების საბჭოს მიერ მიღებული გადაწყვეტილების შედეგად გახდა შესაძლებელი.
ქართულ კომპანიებს იმ სახელმწიფო ტენდერების სრული და განახლებული სიის ხილვა შეუძლიათ, რომლებსაც ევროკავშირის 27 წევრი სახელმწიფო ვებსაიტზე, Tenders Electronic Daily (TED), აცხადებს. TED ყოველდღიურად სხვადასხვა სექტორში გამოცხადებული 1,000-ზე მეტი ტენდერის შესახებ ელექტრონულ ფორმატში აქვეყნებს ინფორმაციას. ერთიანი საძიებო სისტემა ბიზნესებს შესაძლებლობას აძლევს, საჭირო ტენდერი ისეთ კრიტერიუმებზე დაყრდნობით მოიძიონ, როგორებიცაა ხელშეკრულების ტიპი და საკვანძო სიტყვები.
„ეს არის მიღწევა და მნიშვნელოვანი ეტაპი საქართველო-ევროკავშირს შორის ეკონომიკურ ურთიერთობებში და, ამასთან, წინ გადადგმული ნაბიჯი საქართველოსა და ევროკავშირს შორის ღრმა და ყოვლისმომცველი თავისუფალი სავაჭრო სივრცის (DCFTA) სრულად განხორციელებისთვის“, — აღნიშნულია საქართველოში ევროკავშირის წარმომადგენლობის პრესრელიზში.
თავის მხრივ, ევროკავშირში რეგისტრირებულ კომპანიებსაც სრული წვდომა აქვთ საქართველოში სახელმწიფო შესყიდვებისთვის გამოცხადებულ ტენდერებზე. საქართველოს სახელმწიფო შესყიდვების ერთიანი ელექტრონული სისტემა ევროკავშირის კომპანიებისათვის ყოველგვარი შეზღუდვის გარეშეა ღია.
დამატებითი ინფორმაცია
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
