ევროკავშირის გაფართოება: უკრაინა, მოლდოვა და საქართველო – ახალი ვებგვერდი მნიშვნელოვან ინფორმაციასა და წყაროებს უყრის თავს
ევროკავშირის მიერ დაფინანსებულმა EU NEIGHBOURS east პროგრამამ მოამზადა სპეციალური გვერდი, რომელიც ევროკავშირის გაფართოების პროცესს ხსნის. ვებგვერდზე განსაკუთრებული ყურადღება გამახვილებულია აღმოსავლეთ პარტნიორობის რეგიონის კანდიდატის სტატუსის მქონე ქვეყნებზე: საქართველოზე, მოლდოვასა და უკრაინაზე.
ვებგვერდი – ევროკავშირის გაფართოება: უკრაინა, მოლდოვა და საქართველო – გაგაცნობთ 2025 წლის გაფართოების პაკეტს, რომელშიც დეტალურადაა შეფასებული თითოეული ქვეყნის პროგრესი და მოცემულია რეკომენდაციები პრიორიტეტულ რეფორმებზე.
საქართველოს შესახებ ევროკომისია აცხადებს, რომ მიმდინარე დემოკრატიული უკუსვლის გათვალისწინებით, საქართველოს „კანდიდატი ქვეყნის მხოლოდ სახელი აქვს“. რაც შეეხება უკრაინასა და მოლდოვას, ევროკომისიის განცხადებით, ეს ქვეყნები კვლავ მყარად ერთგულობენ ევროკავშირში გაწევრიანების გზას, მათ წარმატებით გაიარეს სკრინინგის პროცესი და წინ წაიწიეს ძირითადი რეფორმების მიმართულებით.
მასალა ინგლისური ენის გარდა ასევე ხელმისაწვდომია ქართულ, რუმინულ, უკრაინულ და რუსულ ენებზე.
ევროკავშირის გაფართოებაზე შექმნილ ვებგვერდზე თავმოყრილია ზოგადი ინფორმაცია, საკვანძო მნიშვნელობის ფაქტები და ახსნა-განმარტებები. აქვეა ხელმისაწვდომი ბმულები, რომლებითაც გადახვალთ ევროკომისიის ანგარიშებზე და წყაროებზე, სადაც დამატებითი დეტალური ინფორმაციაა მოცემული გაფართოების პროცესსა და ევროკავშირის ურთიერთობებზე საქართველოსთან, მოლდოვასთან და უკრაინასთან.
დამატებითი ინფორმაცია
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
