ევროკავშირის და გაეროს განვითარების პროგრამის ანგარიში: პოლიტიკური დაპირისპირება არჩევნების მედიაგაშუქებაზე აისახა
ევროკავშირმა და გაეროს განვითარების პროგრამამ (UNDP) საქართველოს 2021 წლის ადგილობრივი არჩევნების მედიამონიტორინგის საბოლოო შედეგები გამოაქვეყნეს. ანგარიშში 54 მედიასაშუალების (27 ეროვნული და 27 რეგიონული) 5 ივლისიდან 14 ნოემბრამდე პერიოდის საქმიანობაა გაანალიზებული.
შედეგები მიუთითებს, რომ პოლიტიკური პოლარიზაციის გამწვავებამ არჩევნების გაშუქებაზე მნიშვნელოვანი გავლენა მოახდინა. მედიის დღის წესრიგს განსაზღვრავდა ისეთი თემები, როგორებიცაა ჰომოფობიური გამოსვლები ივლისში, ჟურნალისტებზე ძალადობა და საქართველოს მესამე პრეზიდენტის დაპატიმრება ოქტომბერში.
მედიაბანაკებს შორის დაძაბულობა განსაკუთრებით თვალსაჩინო იყო სამაუწყებლო მედიაში – ტელევიზიასა და რადიოში. კერძოდ, მედიასაშუალებები კონკრეტული პოლიტიკური ძალების მხარდაჭერის გზით საკუთარი აუდიტორიით მანიპულირებდნენ.
პოლიტიკური მიკერძოება ნაკლებად შეიმჩნეოდა თითქმის ყველა ეროვნული და რეგიონული ციფრული მედიასაშუალების საქმიანობაში. ისინი ინარჩუნებდნენ სარედაქციო დამოუკიდებლობას და საკუთარ აუდიტორიას მეტად დაბალანსებულ ინფორმაციას აწვდიდნენ.
არჩევნების არაეთიკური გაშუქებით გამოირჩეოდა ეროვნული ბეჭდური მედია, რომელიც შეურაცხმყოფელ ლექსიკას და გადაუმოწმებელ ინფორმაციას იყენებდა. ხოლო რეგიონული და ადგილობრივი პრესა მოვლენებს შედარებით მიუკერძოებლად აღწერდა.
დამატებითი ინფორმაცია
ყველაზე წაკითხული
თემაზე
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ევროკავშირი და გერმანია აჭარაში წყალმომარაგებისა და წყალარინების სისტემების განახლებას უჭერენ მხარს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
