ევროკავშირი ზაზა გახელაძის დაუყოვნებლივ გათავისუფლებას მოითხოვს
ევროკავშირის ელჩმა საქართველოში, კარლ ჰარცელმა ეგრეთ წოდებული სამხრეთ ოსეთის დე ფაქტო მთავრობას ზაზა გახელაძის დაუყოვნებლად გათავისუფლებისკენ მოუწოდა.
გახელაძე სამხრეთ ოსეთის ადმინისტრაციულ სასაზღვრო ხაზთან 2020 წლის 11 ივლისს უკანონოდ დააკავეს. 2021 წლის 5 იანვარს კი საქართველოს ოკუპირებული რეგიონის, სამხრეთ ოსეთის დე ფაქტო ხელისუფლებამ მას თორმეტი წლით და ექვსი თვით გაუხანგრძლივა პატიმრობა.
ევროკავშირი გახელაძის უკანონო პატიმრობიდან სასწრაფო გათავისუფლებას მისი დაკავების დღიდან მოითხოვს. სწორედ ამ მიზანს ემსახურება ევროკავშირის სადამკვირვებლო მისიის მიერ მართული ცხელი ხაზი, რომელიც ერგნეთის ინციდენტების პრევენციის და მათზე რეაგირების მექანიზმის და ჟენევის საერთაშორისო მოლაპარაკებების ფარგლებში ფუნქციონირებს.
იმავე კონტექსტში, ევროკავშირმა ასევე შეახსენა რუსეთის ფედერაციას ის პასუხისმგებლობები, რომელთა შესრულებაც მას ადამიანის უფლებათა ევროპული სასამართლოს 2021 წლის 21 იანვრის გადაწყვეტილებით ევალება.
ევროკავშირი მტკიცედ უჭერს მხარს საქართველოს სუვერენიტეტს და ტერიტორიულ მთლიანობას ქვეყნის საერთაშორისოდ აღიარებულ საზღვრებში. ელჩის თქმით, ევროკავშირი მომავალშიც გააგრძელებს კონფლიქტით დაზარალებულ რეგიონებში ადამიანის უფლებების და უშიშროების საკითხებზე მუშაობას.
დამატებითი ინფორმაცია
ევროკავშირის სადამკვირვებლო მისია საქართველოში
ყველაზე წაკითხული
თემაზე
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ევროკავშირი და გერმანია აჭარაში წყალმომარაგებისა და წყალარინების სისტემების განახლებას უჭერენ მხარს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
