ევროკავშირი უვიზო მიმოსვლით მოსარგებლე ქვეყნებისთვის სამოგზაურო ავტორიზაციის სისტემას 2024 წლიდან აამოქმედებს

2024 წლიდან ყველა იმ 59 ქვეყნისთვის, რომლებსაც ევროკავშირთან უვიზო მიმოსვლა აქვს, „ევროპაში მოგზაურობის შესახებ ინფორმაციისა და ავტორიზაციის სისტემა“ (ETIAS) ამოქმედდება. ევროკავშირის ამ ახალი მოთხოვნის თანახმად, სამოგზაურო ავტორიზაციის გავლა მოუწევთ საქართველოს მოქალაქეებსაც, რომლებსაც შენგენის 27 ქვეყნიდან ნებისმიერში, ასევე ბულგარეთში, რუმინეთსა და კვიპროსის რესპუბლიკაში შესვლა სურთ. 

ETIAS ონლაინ გასავლელი სამოგზაურო ავტორიზაციაა და არა — ვიზა. 

ETIAS-ის მოქმედი სამოგზაურო ავტორიზაციის მქონე პირს ნებისმიერ 180-დღიან პერიოდში შეეძლება ევროპის 30 ქვეყნიდან ნებისმიერში 90 დღის განმავლობაში დარჩენა.

ETIAS-ისთვის განაცხადის შესატანად პირს დასჭირდება პასპორტი, რომლის მოქმედების ვადაც 3 თვეს აღემატება, ელექტრონული ფოსტის მისამართი, ონლაინ ფორმის შევსება და 7 ევროს ოდენობის გადასახადის გადახდა. 

არსებობს ETIAS-ის მხოლოდ ერთი ოფიციალური ვებგვერდი: europa.eu/etias. მასზე განაცხადის ფორმა სისტემის ამუშავების შემდეგ განთავსდება.

დამატებითი ინფორმაცია

პრესრელიზი