ევროკავშირი: თუ საქართველოში საკითხები გადაუჭრელი დარჩება, შესაძლოა ამას უვიზო რეჟიმის სრული შეჩერება მოჰყვეს
გასულ პარასკევს საქართველოში ევროკავშირის წარმომადგენლობამ გამოაქვეყნა Facebook-ის პოსტი უვიზო რეჟიმის შეჩერების მექანიზმის შესახებ, რომელშიც კიდევ ერთხელ არის ხაზგასმული, რომ „თუ საკითხები გადაუჭრელი დარჩება, შესაძლოა ამას უვიზო რეჟიმის სრული შეჩერება მოჰყვეს“.
ამ პოსტში ნათქვამია, რომ უვიზო მიმოსვლა ფუნდამენტური უფლებების და თავისუფლებების პატივისცემაზეა დამოკიდებული, და რომ ევროკომისიის ბოლო ანგარიშში სერიოზული შეშფოთება იყო გამოთქმული საქართველოში ადამიანის უფლებების საკითხზე. 2025 წლის იანვარში ევროკავშირმა შეაჩერა უვიზო მიმოსვლა საქართველოს სამსახურებრივი და დიპლომატიური პასპორტების მფლობელებისთვის.
უვიზო რეჟიმის სრული შეჩერების თავიდან ასაცილებლად ევროკავშირი იძლევა ძირითადი რეფორმების ჩატარების რეკომენდაციას ფოკუსირებით უფლებების დაცვასა და ანტიკორუფციული ძალისხმევის გაძლიერებაზე. რეკომენდაციების სრული სია იხილეთ აქ.
საქართველოში ევროკავშირის წარმომადგენლობა აცხადებს, რომ ევროკავშირი განახლებულ ინფორმაციას ამ საკითხზე სავარაუდოდ აგვისტოს ბოლომდე გამოაქვეყნებს.
დამატებითი ინფორმაცია
ყველაზე წაკითხული
თემაზე
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ევროკომისია ევროკავშირის ინოვაციების პლატფორმას აამოქმედებს
EBRD-მა „ავერსი ფარმას“ 10 მილიონი ევროს ოდენობის სესხი გამოუყო
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
