ევროკავშირი საქართველოს უზენაესი სასამართლოს მოსამართლეების უვადოდ დანიშვნას ეწინააღმდეგება
ევროკავშირის საგარეო ქმედებათა სამსახური საქართველოს უზენაესი სასამართლოს ოთხი მოსამართლის უვადოდ დანიშვნაზე კომენტარს აკეთებს. 2 დეკემბრის განცხადებაში ნათქვამია, რომ ეს გადაწყვეტილება ეწინააღმდეგება მიმდინარე წლის 19 აპრილის პოლიტიკური შეთანხმების ფარგლებში საქართველოს ლიდერების მიერ მართლმსაჯულების რეფორმირების შესახებ აღებულ იმ ვალდებულებას, რომელიც მათ 28 ივლისს კიდევ ერთხელ დაადასტურეს.
განცხადების მიხედვით, მოსამართლეთა წარდგენის პროცესში არსებული ხარვეზების აღმოფხვრამდე განხორციელებული ამგვარი დანიშვნები ეწინააღმდეგება ეუთოს/დემოკრატიული ინსტიტუტების და ადამიანის უფლებების ოფისისა (OSCE/ODIHR) და ევროპის საბჭოს ვენეციის კომისიის რეკომენდაციებს.
„ეს ქმედებები შეიცავს იმის საფრთხეს, რომ უფრო მეტი ეჭვის ქვეშ დადგეს სასამართლოს დამოუკიდებლობა და საზოგადოების ნდობა ქართული მართლმსაჯულების მიმართ“, — აღნიშნულია განცხადებაში.
ევროკავშირი კიდევ ერთხელ უსვამს ხაზს, რომ მზად არის, სრულად დაუჭიროს მხარი ევროკავშირი-საქართველოს ასოცირების შეთანხმებით გათვალისწინებული რეფორმების განხორციელებას; თუმცა ურთავს, რომ საქართველოს დახმარება ევროკავშირის მხრიდან დამოკიდებული იქნება იმ საკვანძო რეფორმების პროცესში მიღწეულ წინსვლაზე, რომელთა შორის სასამართლო რეფორმაც შედის.
დამატებითი ინფორმაცია
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
