ევროკავშირი კავშირების, ჯანდაცვისა და კვლევების სფეროებში მდგრადი ინვესტიციების შესახებ გამართულ Global Gateway-ის ფორუმს უმასპინძლებს
ოქტომბერი 25, 2023

ევროკავშირი კავშირების, ჯანდაცვისა და კვლევების სფეროებში მდგრადი ინვესტიციების შესახებ გამართულ Global Gateway-ის ფორუმს უმასპინძლებს


25-26 ოქტომბერს ბრიუსელში ევროკომისიის პრეზიდენტი ურსულა ფონ დერ ლაიენი  Global Gateway-ის ფორუმს გახსნის და უმასპინძლებს. ფორუმზე  შეიკრიბება ევროკავშირისა და პარტნიორი ქვეყნების მთავრობების 40-ზე მეტი მაღალი დონის წარმომადგენელი და, მათთან ერთად, ფინანსური ინსტიტუტების — მათ შორის EIB-ისა და EBRD-ის — კერძო სექტორის, სამოქალაქო საზოგადოების და საერთაშორისო ორგანიზაციების წარმომადგენლები. 

ფორუმის თემაა „ერთად ძლიერები ვართ მდგრადი ინვესტიციების მეშვეობით“. მასზე წარმოჩნდება ის პროგრესი, რომელიც Global Gateway-ის სტრატეგიის განხორციელების მიმართულებით მიიღწა. სტრატეგია ევროკავშირის მიერ მთელი მსოფლიოსთვის კავშირების, ჯანდაცვის, განათლებისა და კვლევის სისტემებში ხარისხიანი, გამჭვირვალე ინვესტიციების შეთავაზებას მოიაზრებს. 

აღმოსავლეთ პარტნიორობის რეგიონში Global Gateway ეკონომიკური და საინვესტიციო გეგმის საშუალებით ხორციელდება.

25 ოქტომბერს პრეზიდენტი ფონ დერ ლაიენი უმასპინძლებს ვახშამს სახელმწიფოების და მთავრობათა მეთაურებისთვის და მონაწილეობას მიიღებს ფორუმის გახსნის პლენარულ სესიაში. ამის მერე გაიმართება ლიდერთა დისკუსიები, რომელთა ძირითადი თემები იქნება მწვანე ენერგეტიკული გარდაქმნა და მწვანე წყალბადი, განათლება და კვლევა, არსებითი მნიშვნელობის ნედლეული და სატრანსპორტო დერეფნები. 

26 ოქტომბერს ლიდერები იმსჯელებენ ჯანმრთელობის პროდუქტების წარმოებისა და ციფრული ინფრასტრუქტურის საკითხებზე. დასასრულს კი გაიმართება დახურვის პლენარული სხდომა ევროკავშირის უმაღლესი წარმომადგენლის, ჯოზეფ ბორელის მონაწილეობით. 

ორდღიანი ღონისძიების განმავლობაში ასევე გაკეთდება რამდენიმე განცხადება, რომლებიც Global Gateway-ის ფარგლებში დაწყებული პირველი 89 საფლაგმანო პროექტის განხორციელებას შეეხება.  

ფორუმის გახსნისა და დახურვის ცერემონიები ონლაინჩართვით გადაიცემა.

დამატებითი ინფორმაციის მიღება შესაძლებელია Global Gateway-ის ფორუმის სპეციალურ ვებსაიტზე, Global Gateway-ის ზოგად ვებგვერდზე და Global Gateway-ის საფლაგმანო პროექტებისთვის მიძღვნილ ვებგვერდზე, სადაც 2023 წლის მონაცემებს იხილავთ.

დამატებითი ინფორმაცია

პრესრელიზი

ონლაინჩართვა



ყველაზე წაკითხული


თემაზე

ივნისი 20, 2024

ევროკავშირის სწავლა-სწავლების პროცესში ხელოვნური ინტელექტისა და მონაცემების გამოყენების ეთიკური გზამკვლევი ქართულადაც გამოიცა

ივნისი 18, 2024

ევროპის რეკონსტრუქციისა და განვითარების ბანკს თურქეთსა და კავკასიაში ახალი მმართველი დირექტორი ჰყავს

ივნისი 18, 2024

ევროკავშირის უმაღლესი რანგის ოფიციალური პირები საქართველოს ევროპული მომავლისადმი სალომე ზურაბიშვილის ერთგულებას მიესალმებიან

ივნისი 18, 2024

„უცხოელი აგენტების კანონი“: საქართველოს სამინისტროებს სამოქალაქო სექტორზე 10-ჯერ მეტი დაფინანსება აქვს ევროკავშირისგან მიღებული

ივნისი 14, 2024

ევროკავშირი საქართველოში ციფრული ჩართულობით სოფლის გაძლიერების ახალ პროექტს იწყებს


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,