ევროკავშირი გასცემს გრანტებს საქართველოში მოქმედ არაკომერციულ ორგანიზაციებზე

ევროკავშირმა გამოაცხადა საკონკურსო წინადადებების მიღება საქართველოში მოქმედი არაკომერციული ორგანიზაციებისთვის, რომელთა შორის არიან სამოქალაქო საზოგადოებრივი ორგანიზაციები, ადგილობრივი ხელისუფლებები, საგანმანათლებლო ორგანიზაციები, მედია და სახელმწიფო სექტორი. კონკურსის მიზანია სამოქალაქო საზოგადოების გაძლიერება და ადამიანის უფლებების და ფუნდამენტური თავისუფლებების მხარდაჭერა.

კონკურსის მიზნების გათვალისწინებით, წარდგენილი წინადადებები ხელს უნდა უწყობდეს ეთნიკური უმცირესობების გაძლიერებას, სოციალური სამსახურების ხელმისაწვდომობას მოსახლეობის დაუცველი ჯგუფებისთვის, ქალთა და გოგონათა მიმართ ძალადობასთან, ასევე ოჯახურ ძალადობასთან ბრძოლას, ადამიანის უსაფრთხოების გაძლიერებას (სისხლის სამართლის დამნაშავეობის შემცირება „კრიმინალურ აზროვნებასთან“ და ძალადობრივ ექსტრემიზმთან ბრძოლით, ქცევით დარღვევებთან და/ან ფსიქიკური ჯანმრთელობასთან დაკავშირებული საჭიროებების დაკმაყოფილებით ბავშვებსა და ახალგაზრდებში, და ნარკოდამოკიდებულთა უკეთესი მკურნალობით), ასევე ანგარიშვალდებულების გაძლიერებას უსაფრთხოების სექტორში.

კონკურსისთვის გათვალისწინებული მთლიანი საორიენტაციო ბიუჯეტია 7,8 მილიონი ევრო.

ამ კონკურსის ფარგლებში მოთხოვნილი არც ერთი გრანტის ოდენობა არ უნდა აღემატებოდეს 1 –1,5 მილიონ ევროს, ლოტის გათვალისწინებით. შერჩეული პროექტების თანადაფინანსების მაქსიმალური პროცენტია 95%.
საკონკურსო წინადადებების წარდგენის საბოლოო ვადაა 24 მაისი.

დამატებითი ინფორმაცია

Press release