ევროკავშირი და UNIDO საქართველოს ფარმაცევტულ კლასტერს სათანადო წარმოების პრაქტიკის დანერგვაში ეხმარებიან
ევროკავშირის დახმარებით, გაეროს ინდუსტრიული განვითარების ორგანიზაციამ (UNIDO) ქართული ფარმაცევტული კლასტერის წარმომადგენლებისათვის ინტერაქტიური ღონისძიება დაგეგმა. კერძოდ, მოეწყო ტური, რომლის მონაწილეებმაც GM Pharma-ს თბილისში მდებარე ფარმაცევტული საწარმო დაათვალიერეს.
ტური სათანადო წარმოების პრაქტიკის (GMP) სფეროში დაგეგმილი სამწვრთნელო პროგრამის ფარგლებში იყო ორგანიზებული. აღსანიშნავია, რომ ამ პრაქტიკის სტანდარტებს GM Pharma უკვე აკმაყოფილებს. ევროკავშირის მხარდაჭერით, UNIDO-მ საქართველოს ფარმაცევტული კლასტერის წევრებისთვის ხარისხის გაუმჯობესების მიმართულებით ტრენინგების სერია წლის პირველ ნახევარში ჩაატარა.
საქართველოს ფარმაცევტული კლასტერი ბაქტერიოფაგებისა და მცენარეული ფარმაცევტული საშუალებების მწარმოებლებს და მხარდამჭერ ორგანიზაციებს აერთიანებს. ის მიზნად ისახავს, გაზარდოს მწარმოებლების კონკურენტუნარიანობა და გაყიდვები და გააუმჯობესოს ახალ ბაზრებზე მათი წვდომა საერთაშორისოდ აღიარებული ხარისხის სტანდარტების დანერგვით.
ტური ევროკავშირი საქართველოსთვის (EU4Georgia) ინიციატივის, „ევროკავშირის ინოვაციური პროექტი საქართველოში კერძო სექტორის კონკურენტუნარიანობისთვის“, ფარგლებში დაიგეგმა. ევროკავშირის მიერ დაფინანსებული ამ პროექტის ბიუჯეტი 6 მილიონ ევროს შეადგენს.
დამატებითი ინფორმაცია
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
