EU4Dialogue: საქართველოში ქალებისათვის მობილური კლინიკები მოეწყო
EU4Dialogue პროექტის მხარდაჭერით, საქართველოს დევნილთა დასახლებებში მობილური კლინიკები მოეწყო. ამის შედეგად დეკემბერში სამედიცინო კონსულტაცია 80-მდე ქალმა მიიღო.
არასამთავრობო ორგანიზაციის, „ქალთა ფონდი სოხუმის“ მიერ ორგანიზებული მობილური კლინიკა ზუგდიდის, სენაკის, ქუთაისის, წყალტუბოსა და ხონის მუნიციპალიტეტების დევნილთა დასახლებებს ეწვია. მობილური კლინიკა მამოგრაფიის, ექოსკოპიისა და სხვა ანალიზებისთვის საჭირო აპარატებით იყო აღჭურვილი.
საკონსულტაციო შეხვედრებისას ქალებმა მიიღეს სამედიცინო რჩევები რეპროდუქციული ჯანმრთელობისა და დროული დიაგნოსტიკის შესახებ. მათ ასევე ისაუბრეს ჯანმრთელობის იმ პრობლემებზე, რომლებიც გენდერული ნიშნით ძალადობას უკავშირდება.
დევნილი ქალებისთვის მობილური კლინიკის მოწყობის ინიციატივას ევროკავშირმა და გაეროს განვითარების პროგრამამ (UNDP) პროექტის, „EU4Dialogue: კონფლიქტის ტრანსფორმაციის მხარდაჭერა სამხრეთ კავკასიასა და მოლდოვას რესპუბლიკაში“, ფარგლებში დაუჭირეს მხარი. პროექტის მიზანია, გააუმჯობესოს ადამიანთა სოციალურ-ეკონომიკური მდგომარეობა, მოამარაგოს ისინი საარსებო საშუალებებით, ხელი შეუწყოს გენდერულ თანასწორობასა და ახალგაზრდების ჩართულობას და მხარი დაუჭიროს კონფლიქტთა მშვიდობიან მოგვარებას.
დამატებითი ინფორმაცია
ყველაზე წაკითხული
თემაზე
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ევროკავშირი და გერმანია აჭარაში წყალმომარაგებისა და წყალარინების სისტემების განახლებას უჭერენ მხარს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
