ეროკომისარმა სიმსონმა თბილისში გამართულ ევროკავშირი-საქართველოს მაღალი დონის ენერგეტიკულ დიალოგში მიიღო მონაწილეობა
ენერგეტიკის საკითხებში ევროკომისარი, კადრი სიმსონი 16 ნოემბერს თბილისში ევროკავშირი-საქართველოს მაღალი დონის პირველ ენერგეტიკულ დიალოგში მონაწილეობის მისაღებად ჩამოვიდა.
დიალოგი გასულ კვირას საქართველოსთვის ევროკავშირის კანდიდატი ქვეყნის სტატუსის მინიჭებასთან დაკავშირებით კომისიის მიერ გაკეთებული რეკომენდაციის კონტექსტში ჩატარდა. შეხვედრაზე საქართველოს მიერ ენერგეტიკული ბაზრის რეფორმებისა და ევროკავშირის წესების განხორციელების მიმართულებით გადადგმული ნაბიჯები შეფასდა.
დიალოგის მონაწილეებმა განიხილეს ისეთი საკითხები, როგორიცაა ევროკავშირის ძირითად ენერგეტიკულ კანონმდებლობასთან ქვეყნის შესაბამისობაში მოყვანა, ენერგეტიკული ინფრასტრუქტურისა და დაკავშირებადობის განვითარება და ენერგოეფექტიანობისა და განახლებადი ენერგიის ხელშეწყობა. ასევე ყურადღება გამახვილდა საქართველოს ენერგეტიკულ ინფრასტრუქტურაში და მის ენერგეტიკულ ტრანსფორმაციაში დაფინანსების ინსტრუმენტებზე და ინვესტიციების მოზიდვაზე.
ამას გარდა, ევროკომისარი ეწვია ქართლის ქარის ელექტროსადგურს, რომელიც კავკასიის რეგიონში ამ სახის პირველი პროექტია. პროექტს ევროკავშირი მწვანე ზრდის ფონდის საშუალებით აფინანსებს.
დამატებითი ინფორმაცია
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
