Erasmus+ 2023 განათლების, ტრენინგის, ახალგაზრდობის და სპორტის სფეროებში მობილობის და თანამშრომლობის მხარდამჭერ კონკურსს აცხადებს 

ევროკომისიამ  Erasmus+ პროგრამის ფარგლებში 2023 წლის კონკურსი გამოაცხადა. 

4.2 მილიარდი ევროს ოდენობის წლიური ბიუჯეტით, Erasmus+ პროგრამა გაძლიერებულად დაუჭერს მხარს თანასწორობას, მოქალაქეების დემოკრატიულ პროცესებში ჩართვას და მწვანე და ციფრულ ტრანსფორმაციას როგორც ევროკავშირში, ასევე მის ფარგლებს გარეთ.

მომავალ წელს პროგრამა განაგრძობს სკოლის მოსწავლეების, უმაღლესი და პროფესიული განათლების სტუდენტების, არაფორმალურ სასწავლო პროგრამებში მონაწილე ახალგაზრდების, განათლების სფეროში მომუშავე და აკადემიური პერსონალის საერთაშორისო მობილობის ხელშეწყობას. გარდა ამისა, პროგრამის მიზანია, მეტად დაუჭიროს მხარი უკრაინიდან ლტოლვილ მოსწავლეებსა და განათლების სფეროს წარმომადგენლებს.

აღნიშნული კონკურსი შედგება რამდენიმე საგრანტო პროგრამისგან განათლების, ტრენინგის, ახალგაზრდობის და სპორტის სფეროებში.  კონკურსის პრიორიტეტების, განაცხადების შეტანის ვადების, ამა თუ იმ ქვეყნის წარმომადგენლებისთვის განსაზღვრული პირობების და სხვა დეტალების შესახებ ინფორმაცია ხელმისაწვდომია 2023 Erasmus+ პროგრამის გზამკვლევში.

გრანტების მოცულობა და პროექტების ხანგრძლივობა განისაზღვრება ისეთი ფაქტორებით, როგორებიცაა პროექტის ტიპი, აპლიკანტისთვის განსაზღვრული პირობები და პროექტში ჩართული პარტნიორების რიცხვი. 

დამატებითი ინფორმაცია

პრესრელიზი