EBRD და USAID სამხრეთ კავკასიაში სატრანსპორტო კავშირებს ავითარებენ
მაისი 17, 2024

EBRD და USAID სამხრეთ კავკასიაში სატრანსპორტო კავშირებს ავითარებენ


ევროპის რეკონსტრუქციისა და განვითარების ბანკმა (EBRD) და ამერიკის შეერთებული შტატების საერთაშორისო განვითარების სააგენტომ (USAID) ხელი მოაწერეს ურთიერთგაგების მემორანდუმს, რომლის მიზანიც შუა დერეფნის სახელწოდებით ცნობილი ტრანსკასპიური საერთაშორისო სატრანსპორტო გზის განვითარებაა.

ეს ნაბიჯი აზიასა და ევროპას შორის სამხრეთ კავკასიის გავლით კავშირს კიდევ უფრო გაამყარებს. კერძოდ, პარტნიორობა საქართველოში, აზერბაიჯანსა და სომხეთში  ვაჭრობის გაფართოებაზე, მწვანე ენერგეტიკაზე, მრეწველობის ახალ დარგებში ინვესტირებასა და სატრანსპორტო და ციფრული ინფრასტრუქტურის განვითარებაზე ფოკუსირდება.  

დოკუმენტს ხელი სომხეთში გამართული EBRD-ის ყოველწლიური შეხვედრისა და ბიზნესფორუმის ფარგლებში მოეწერა. 

„შუა დერეფნის გაძლიერება რეგიონის მასშტაბით შექმნის ახალ, ტრანსფორმაციულ ეკონომიკურ შესაძლებლობებს და უზრუნველყოფს ალტერნატიულ სატრანსპორტო მარშრუტს არსებული კომერციული დერეფნებისკენ“, — ნათქვამია EBRD-ის პრესრელიზში.

ურთიერთგაგების მემორანდუმი ხელს შეუწყობს რეგიონში კრიტიკული ენერგეტიკის, ტრანსპორტისა და ციფრული და სასოფლო-სამეურნეო ინფრასტრუქტურის დაგეგმვასა და მშენებლობას. გარდა ამისა, ის მიზნად ისახავს საბაჟო, სატარიფო და სასაზღვრო ოპერაციების ეფექტიანობის გაუმჯობესებას, შუა დერეფნის გასავითარებლად სამხრეთ კავკასიის ეკონომიკაში კერძო კაპიტალდაბანდებების მოზიდვას და ევროპასთან და სამხრეთ კავკასიის ქვეყნებს შორის  ეკონომიკური კავშირების ხელშემწყობი  უმაღლესი საერთაშორისო სტანდარტების დანერგვას.

თანამშრომლობის სხვა პრიორიტეტებს შორისაა უნახშირბადო ენერგეტიკის სფეროში ინვესტიციების მოზიდვა, კორუფციის წინააღმდეგ საბრძოლველად რეფორმების ხელშეწყობა და სამოქალაქო საზოგადოებასთან ჩართულობის გაფართოება.

დამატებითი ინფორმაცია

პრესრელიზი



ყველაზე წაკითხული


თემაზე

ივნისი 5, 2024

ევროპული კულტურული მემკვიდრეობის ჯილდო / ევროპა ნოსტრას ჯილდო: პროექტი საქართველოდან გამარჯვებულთა შორისაა

ივნისი 5, 2024

საქართველომ, სომხეთმა და მოლდოვამ სახელმწიფოთაშორისი ელექტრონული იდენტიფიკაციის საპილოტე პროექტში მიიღეს მონაწილეობა

აპრილი 16, 2024

არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს

მარტი 29, 2024

Culture Moves Europe: საქართველოში რეზიდენტების მასპინძელი ორგანიზაცია შეირჩა

მარტი 25, 2024

ევროკავშირი, UNDP და პარტნიორები ადგილობრივი ეკონომიკური განვითარებისთვის ახალ სისტემას, „ეკონომიკური ზრდის გზებს“ ქმნიან


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,