ՎԶԵԲ-ը եւ ԱՄՆ ՄԶԳ-ն կնպաստեն Հարավային Կովկասում կապի բարելավմանը
17 Մայիսի, 2024

ՎԶԵԲ-ը եւ ԱՄՆ ՄԶԳ-ն կնպաստեն Հարավային Կովկասում կապի բարելավմանը


Վերակառուցման եւ զարգացման եվրոպական բանկը (ՎԶԵԲ) եւ ԱՄՆ Միջազգային զարգացման գործակալությունը (ՄԶԳ) ստորագրել են փոխըմբռնման հուշագիր Տրանսկասպյան միջազգային տրանսպորտային երթուղու զարգացման վերաբերյալ, որը նաեւ հայտնի է որպես «Միջին միջանցք»՝ Հարավային Կովկասի միջոցով Ասիայի եւ Եվրոպայի միջեւ կապի հետագա բարելավման նպատակով:

Գործընկերությունը կկենտրոնանա, մասնավորապես, առեւտրի ընդլայնման, կանաչ էներգետիկայի, արդյունաբերության նոր ճյուղերում ներդրումների, ինչպես նաեւ տրանսպորտային եւ թվային ենթակառուցվածքների վրա Հայաստանում, Ադրբեջանում եւ Վրաստանում:

Փոխըմբռնման հուշագիրը ստորագրվել է Հայաստանում անցկացվող ՎԶԵԲ ամենամյա հանդիպման եւ գործարար համաժողովի շրջանակներում:

««Միջին միջանցք»-ի ամրապնդումը կստեղծի նոր, տնտեսությունը վերափոխող հնարավորություններ ամբողջ տարածաշրջանում եւ այլընտրանքային տրանսպորտային ուղի կապահովի առկա առեւտրային միջանցքներին»,- ասվում է ՎԶԵԲ-ի տարածած մամուլի հաղորդագրությունում

Փոխըմբռնման հուշագիրն ուղղված է տարածաշրջանում էներգետիկ, տրանսպորտային, թվային եւ գյուղատնտեսական ենթակառուցվածքների կարեւորագույն օբյեկտների պլանավորման, նախագծման եւ կառուցման կատարելագործմանը: Այն նաեւ ուղղված է մաքսային, սակագնային եւ սահմանային գործողությունների արդյունավետության բարձրացմանը, Միջին միջանցքի զարգացման համար Հարավային Կովկասի երկրների տնտեսություններում մասնավոր ներդրումների ներգրավմանը, Եվրոպայի եւ Հարավային Կովկասի երկրների միջեւ տնտեսական փոխգործակցության խթանման համար միջազգային ամենաբարձր չափանիշների ներդրմանը։

Համագործակցության մյուս առաջնահերթությունները կենտրոնացած են ածխածնի ազատ էներգիայի օգտագործման հնարավորությունների մեջ ներդրումների ընդլայնման եւ կոռուպցիայի դեմ պայքարի եւ քաղաքացիական հասարակության հետ փոխգործակցության ընդլայնման քաղաքականության եւ կառավարման բարեփոխումների խթանման վրա:

Իմացիր ավելին

Մամուլի հաղորդագրություն



ԱՄԵՆԱԿԱՐԴԱՑԱԾ



Հետաքրքրվա՞ծ եք վերջին նորություններով ու հնարավորություններով

Այս կայքը կառավարվում է 2020-2024թթ. համար Եվրամիության կողմից ֆինանսավորվող Արևելյան հարևանության տարածաշրջանային հաղորդակցության ծրագրի («ԵՄ արևելյան հարևաններ») կողմից: Ծրագիրը լրացնում և աջակցում է գործընկեր երկրներում ԵՄ պատվիրակությունների հաղորդակցական գործունեությանն ու աշխատում է Եվրոպական հանձնաժողովի Հարևանության քաղաքականության և ընդլայնման բանակցությունների գլխավոր տնօրինության ու ԵՄ արտաքին գործողությունների ծառայության ղեկավարության ներքո: Ծրագիրն իրականացնում է GOPA PACE-ի գլխավորած կոնսորցիումը:


Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,