ამბები, რომლებიც მნიშვნელოვანია: ლორენცო ნატალის სახელობის მედია-პრიზზე განაცხადების მიღება დაიწყო 

ჟურნალისტიკაში ევროკავშირის წამყვანმა კონკურსმა, ლორენცო ნატალის სახელობის მედია-პრიზმა, განაცხადების მიღება დაიწყო.

კონკურსი მსოფლიოს სხვადასხვა წერტილში მომუშავე იმ ჟურნალისტების შრომას აფასებს, რომლებიც ყველაზე მნიშვნელოვან გამოწვევებს ჰფენენ ნათელს.

ევროკომისია კონკურსში იწვევს ჟურნალისტებს, რომლებიც მუშაობენ ისეთ თემებზე, როგორებიცაა უთანასწორობა, სიღარიბის აღმოფხვრა, მდგრადი განვითარება, გარემოს დაცვა და კლიმატის ცვლილება, ბიომრავალფეროვნება, ციფრული გარდაქმნა, დასაქმება, განათლება და უნარების განვითარება, მიგრაცია, ჯანდაცვა, მშვიდობა, დემოკრატია და ადამიანის უფლებები. განაცხადები ონლაინ მიიღება. 

ჟურნალისტებს წერილობითი, აუდიოვიზუალური ან მულტიმედიური ნაშრომის წარდგენა ამ კატეგორიებიდან ერთ-ერთში შეუძლიათ:

• საერთაშორისო პრიზი: ევროკავშირის ერთ-ერთ პარტნიორ სახელმწიფოში — მათ შორის აღმოსავლეთ პარტნიორობის ქვეყნებში — დაფუძნებული მედიასაშუალების მიერ გამოქვეყნებული რეპორტაჟისთვის.
• ევროპის პრიზი: ევროკავშირში დაფუძნებული მედიასაშუალების მიერ გამოქვეყნებული რეპორტაჟისთვის.
• საუკეთესო დამწყები ჟურნალისტის პრიზი: რეპორტაჟისთვის, რომლის ავტორიც მისი გამოქვეყნების მომენტში 30 წლამდე ასაკის იყო.

კონკურსზე მიიღება ნებისმიერ ენაზე შესრულებული რეპორტაჟი — იმ პირობით, რომ მას თან დაერთვება ინგლისურ, ფრანგულ, ესპანურ, გერმანულ ან პორტუგალიურ ენაზე შესრულებული თარგმანი.

თითოეული გამარჯვებული პრიზის სახით 10,000 ევროს მიიღებს. გარდა ამისა, საუკეთესო დამწყები ჟურნალისტის კატეგორიაში გამარჯვებულს პროექტის პარტნიორ მედიასაშუალებაში შესთავაზებენ სტაჟირებას.

გამარჯვებულებს 2023 წლის მეორე ნახევარში ბრიუსელში, ლორენცო ნატალის სახელობის მედია-პრიზის დაჯილდოების ცერემონიაზე გამოაცხადებენ. 

განაცხადების შეტანის ბოლო ვადაა 28 აპრილი.

დამატებითი ინფორმაცია

პრესრელიზი

შეიტანეთ განაცხადი ლორენცო ნატალის სახელობის მედია-პრიზზე 

ლორენცო ნატალის სახელობის მედია-პრიზის ვებგვერდი